誰較學生更可恥？
標題意思係：學生可恥，不過有人比佢地更可恥啫！
港大生衝擊校委會推跌盧寵茂 禁錮李國章香港大學副校長（學術、人事及資源）任命風波，演變成學生佔領會場、禁錮校委事件(都話病毒係會散播架啦！佔領成功過、就會慣性佔領。怪祇怪政府弱)。港大校務委員會昨晚經過逾四小時閉門會議後，決定維持原判(啱吖！嘈吓就得逞嘅，以後仲有皇法嘅----不過，依家香港又真係冇皇法喎！錯了，應該係有法唔駛依從至啱)，即上述副校長的任命須等候港大委其直屬上司首席副校長後，才會進行處理。約五十名學生不滿有關決定，在校委會學生會代表裏應外合下，衝入會場進行佔領、辱罵李國章等多名委員及校委會主席梁智鴻(呢幾個首先要開除學藉！反正佢地讀完書，都冇機構敢請----一係佢地老豆大把，唔做都唔駛憂；一係就「毒傳媒」未結業，可以有地方安置佢地；又話者學「痴蜂」咁賣國，搏外國收留)。期間委員港大醫學院教授盧寵茂被推倒地上。李欲扶盧離開時，學生竟只准「傷者」盧撤離，不准李離開。教育局深夜譴責事件。
撐反示威者 爆口角動武校委會早前決定等委出首席副校長人選後，再處理是否委任具爭議性的港大法律學院前院長陳文敏，做學術、人事及資源副校長。有關決定引起部分師生及校友不滿，昨午雲集舉行校委會的會場樓下示威靜坐，要求停止拖延副校長任命，以及取消特首兼任港大校監的安排，部分示威者高舉黃傘。期間有一批市民到來支持校委會早前決定及特首兼任校監，兩派示威者初則口角，繼而有人揮拳、攬頸及「叉面」。由於現場只有校方保安，場面一度失控。(學校行政又關你事？任命邊個又關你事？第日佢地生小朋友、駛唔駛問吓個小朋友肯唔肯做佢個仔/女先？)
在樓上的開會場地，約八十名港大及其他多間大專院校的學生會成員，身穿黑衣於門外靜坐請願，並預告會衝入會場，校方派出多名保安在門外把守。至晚上九時許，傳出委員已投票決定維持原判的消息後，數十名學生趁一名學生校委上完廁所、保安開門讓他返回會場時，一舉衝入會場佔領校委會。
李國章怒斥學生「虐老」由於會場狹窄加上有大批傳媒採訪，場面一度極為混亂，部分學生針對李國章大罵「可恥」等口號，多名保安立即將李重重包圍保護。其後港大校長馬斐森開腔，強調自己在佔領期間亦曾到場探望學生，最重要注意安全，呼籲學生有秩序地離開，並讓校委會委員離場。但就如上次佔領行動一樣，學生未有理會馬斐森的勸喻，繼續包圍和指罵李國章與梁智鴻。其後梁即場向學生解釋校委會的決定，但學生仍拒信服。
學生、校委與保安對峙期間，盧寵茂突然倒地，要由李國章即場檢查傷勢。盧甦醒後，學生又肯讓他先行撤離，強制李返回座位，盧最終需由救護車送院。期間部分較低調的校委成功悄悄離開會場，但其中劉麥嘉軒在低層位置又被示威者包圍禁錮。此時終於有警員到場，護送麥上救護車離開。
佔領校委會行動糾纏個多小時後，李國章高呼自己被「禁錮」和「虐老」，有學生即「淆底」改口稱並非不准他離開，李終獲放行。大部分校委離去後，留下梁智鴻與多名校方管理層與學生代表開會。
------------------------------------------------
大學生淪窮忙族 香港點會有運行
近年有個新興名詞叫「窮忙族」，意思係即使有工作，收入都好低，永遠得個忙字，簡單講就係在職貧窮咁解。窮忙族愈來愈年輕化，唔止成為社會問題，更加成為政治危機添。(其實係好事！呢幾十年香港奉行一個嬌、兩個妙政策！因為子女少，一個二個變晒「金波蘿」，老豆老母自己唔食都要俾最好嘅嘢佢地，形成佢地不知世界艱難、不知天高地厚。佢地唔捱過，係唔會成長嘅)
有團體研究發現，過去廿年本港大學畢業生嘅薪金不增反減，一九九三年起薪中位數超過一萬三千一百元，二○一三年竟然降至一萬零八百六十元，跌咗接近兩成；而近十年來嘅大學畢業生，薪酬累積加幅亦遠低於以前嘅大學生。不可不知，過去十年本港GDP每年平均增加百分之四點五，累計大約增加咗五成，即係話蛋糕做大咗，大學生反而分少咗，你話係咪有問題吖？(你睇吓依家啲大學生嘅質素？我有得揀，請人都請啲四五十歲捱過咸苦啲人啦，反而學歷都係其次，人品最重要。講真吖，以前啲中學畢業生學歷水評較現今大學生還好)
學者係咁講嘅，大學名額增加，導致學歷貶值(學歷貶值，係因為教師上課講政治，教佔領、教佢地所謂嘅民主(即係有佢講，冇你講)！久而久之，咁嘅教育較出啲咩嘢人呢？)，影響大學畢業生嘅薪金，加上香港產業結構單一，高技術職位不足，青年社會流動性下降。其實計功夫茶話齋，大學生愈來愈多，學歷嘅含金量固然冇以前咁高，但呢個並唔係主要原因，大學生收入下降主要係因為產業結構單一，香港一直獨沽金融地產，唔係炒股，就係炒樓，其餘選擇唔多，根本冇機會向上流動，大學生收入又點可能增加吖。
呢，早前有項調查發現，七成受訪青年認為好難搵到一份有前景又穩定嘅長工，近四成認為自己屬於在職貧窮，一成受訪者估計自己永遠無法脫貧添。試諗吓，年輕人既不滿現狀，更睇唔到前景，有乜法子唔怨聲載道呢？(咁佢問吓心，佢地有冇俾心機做事先；做嘢又抵唔抵得諗先？抑或動不動便與上司爭辯工作條件先？)學者警告，港府再唔諗辦法解決青年就業及社會流動問題(我反而認為最緊要係先解決教育果瓣，教育(教師)質素唔好，仲講咩嘢呢)，好可能再次引發大型社會運動。
冇錯嘞，近年青少年問題多多，有啲人淪為街頭鬥士，愈來愈激進，咪就係因為對現實不滿囉，尤其係舊年嘅佔領之亂，可以講係深層次矛盾嘅一次大爆發。有人認為港府可能會失掉整代年輕人嘅支持，雖然有啲誇張，但照目前嘅形勢發展落去，前景一啲都唔樂觀。須知香港衣食住行樣樣難，房屋更係一個大問題，好多年輕人連一個安居之所都成為奢望，唔激氣就假。(買樓難呢樣嘢唔係今日先至有！我地以前邊一個唔係捱到金睛光眼，四五十歲才可以置業上樓)
正如梁啟超話齋，少年強則國強，少年智則國智(咁咪要先攪掂教師質素先囉)。年輕人係社會嘅未來，依家青少年問題多多，未來香港會係點，估都估到喇。早前港府承認青年工作做得唔夠，諗住亡羊補牢，喺扶貧委員會設立專責小組討論青年向上流動問題，講就好聽喇，但究竟做唔做得到，仲要睇過至知。(扶多啲貧，佢地咪更加唔勤力工作，等救濟；果陣仲多時間去攪佔領、做臨記)
講到底，港府冇能力推動經濟多元發展，提供向上流動嘅機會，青少年問題就冇可能解決，而青少年問題解決唔到，香港就冇可能有運行。
------------------------------------------------
成件事都睇得出係班學生「無恥」啦，不過，更無恥嘅係幕後挑撥嘅人！果位陳君既然牽涉響「黑金」件事，事件未攪清楚前，何解急於委任佢(就因為佢係資深公文袋會員？神棍教友？)
同意！
說的是呢！
那些戴假髮、穿黑袍的人形物体比學子更無恥！