等市況好轉之餘搏反彈

過去一週市況, 波動較預期大！月中揸入之恆指23600認沽期權，賺了500點便沽出平倉算了！若等至昨日結算可賺多約1,000點，都係嗰句:[ 炒作係咁㗎喇!] 插得急自然彈得急, 搏反彈最多是隔日鮮。週一臨收市以$13.36追入光大控股(165) 16,000股，翌日以$14.20沽出食餬。等到昨日會賺多啲，但吾使恨，又係嗰句。

沽出光大後便做塘邊鶴。

週四下午2時15分左右見恆指抽上，更見期指由約21,300點抽上至3時45分之21,900，升幅達600點。同時抽升的還有中移動(941) 及匯豐(5) ，同時挾升兩支重磅股只有挾淡倉才會如此的，咁挾法, 隨時可回兩、三百點(多年觀察所得)。等約五分鐘見期指開始回調便以206點追入恆指19,600Put，此時認沽期權價會跌至全日最低位。不買其他價是只欲押下小注, 而19600Put當時掰價只有8點, 其他價位是十多廿點。收市賬面賺80多點。昨晚美股回軟而中银(3988) 收市後公佈中期業績, 不良貸款增加250億(24.43%)至1,250億，顯示國內經济轉差，19600Put可再坐一會，大市淡勢不改。