域 流亦詩
域 流亦詩
域 流亦詩

新法西斯主義

2015/09/21 15:19:22 網誌分類: 講人自講
21 Sep

花花世界有贏輸

國旗冚木冇乞兒

今日正逢新世代

究竟誰是法西斯

 

日前扶桑國會通過一條「新安保法」嘅法案、從此首相只須循例知會國會一聲就可以派兵出海外作戰。有觀察家認為、安屁之所以把天朝當作為假想敵無非要加強讓法案通過嘅籌碼、故不擔心兩國會爆發大衝突。但依我睇、此君的確唔係視天朝為假想敵、因為他當正天朝係真正嘅頭號敵人。只須要留心一下自他上任以來、扶桑新造成嘅戰艦名號(例如出雲號、加賀號等)全都是在侵華時期血債累累嘅戰艦所用過嘅名稱、就算連反對安屁嘅扶桑人都認為他快要向天朝發動戰爭。大家都見得到、今次若不是扶桑各在野黨派聯手拉布嘅話、新安保法就會在九月八日通過、而非九月九日零晨。須知到918正正就是扶桑發動全面侵華打響第一槍嘅日子。其中含義、不言而喻啦!係嘛?!

 

最近有報導指花旗執政和在野兩黨取得共識、指世界上唯一有能力挑戰花旗的就是天朝、但切勿誤會係花旗睇得起天朝、其實係有人製造藉口來找天朝麻煩、目的是阻礙天朝快速崛起。某個花旗智庫亦曾發表文章、指花旗不能接受一個既無共同宗教信仰、亦非盟友、而且又係經濟和軍事力量快速增長的國家長期威脅他們、由此可見花旗對天朝嘅敵意不斷增加。再加上近日花旗軍方高層不斷叫囂、指世界上無任何人可以阻止太平洋艦隊在該區做出任何事、就不難想像得到花旗正在亞洲正在醞釀玩一場十分危險嘅遊戲。若然稍有差池、整個亞洲遭殃不在話下、恐怕花旗亦會被自己養大嘅狗咬得遍體鱗傷。奧黑馬一廂情願的以「亞太再平衡」作為藉口、並以強大嘅軍事力量在南海封銷天朝海上生命線。若然成功嘅話、天朝嘅咽喉就會被花旗握住、往後在眾多國際事務上天朝都必須看花旗面色。之但係、勢難想到天朝突然快速在南海平礁造島和連建三個機場、就這麼樣的一招便化解了花旗處心積慮和虛耗大量資源在南海建立起嘅軍事佈局。早前高麗一姐撲水惠無視花旗施壓、親身帶領一個龐大代表團前往天朝參加二戰結束70周年慶典兼大談生意經、已經令奧黑馬坐立不安。再加上日前素有花旗之友稱號嘅袋鼠國一哥亞博得被迫下台、並讓位於跟天朝關係較好嘅生意人得恩報爾之後、奧黑馬就更感失落。在此情此景之下、必會加速安屁對天朝嘅挑釁節奏。以目前形勢看來、除非阿爺明天前往花旗作客時能夠餵飽奧黑馬、否則在未來日子之中東南二海難、以致整個亞洲都幾難有太平日子過矣!

 

 

 

回應 (0)
我要發表
user

最新回應

*KK*
*KK* 2019/09/18

兄台眼光獨到. 不出一年就有大龍鳳睇了.

"污膠藤"單野, 不知若傳到近日來港的"毒眼寒流柑"之祖家又如何呢? 若彼邦之"安胃女孩像", "神大將軍像", 甚至"安義士像"等受如此對待, 真不知此"柑"會否敢在祖家國民面前仲乜野物野囉...

多年來各大爛仔館既欺師滅祖, 以至人性夏令營等精彩場面, 真係值得透過寒流輸出至全球! 彼此認識, 促進交流呢! 世界必有新氣象, "時代革命性解放"嘛!!!

開心van仔
開心van仔 2019/09/18

你好,很久不見了!我沒有在頭條寫野也有一年了!今天突然回來看看,高興見到你呀!近月心情很沉重,太多負面新聞令人情緒低落,不知亂局何時了!

123331
123331 2018/08/22

亞域哥,「來者應,去者靜。法住無常,止心一處。」謝謝。

開心van仔
開心van仔 2018/08/22

很喜歡看你的文章,為何不寫?你今日的話令我有共鳴!我進入古稀之年,剛做了第二次通波仔手術,對世事已不再熱衷了。只希望可開心過每一天。回望過去幾十年人生,很多事都淡忘,只記開心的事,不開心的由它去!現在對很多事都淡然處之,只爭取多些時間與孫兒們相聚。

祝君身體健康,生活愉快,開心每一天!真希望可再見你的文章!