紅磡寶哥火鍋二

熟識我嘅朋友都知道，我唔喜歡食打邊爐---一來我份人怕熱氣，好容易上火喉嚨痛、二來最怕與一些三唔識七嘅人打邊爐(食盆菜一樣)，即使係用公筷，好多時會用左私筷架！再者，有啲人本身就唔喜歡用公筷！

雖然我唔喜歡打邊爐，但紅磡寶哥火鍋則例外，我去過好多次，今次大佬回港，好嘢梗係要帶佢去食啦！

啤番一啤：

牛筋丸：第一次食，真係唔錯喎！又唔怕煮得過久。

今次揀左「牛尾湯底」：又係第一次叫---「正」！呢度嘅湯，我通常煲滾便先喝一碗，因為落左其他料便飲唔倒原味；啲牛尾煲稔左好好食。

呢度嘅響鈴一定要試！大佬第一次食都認為「正」---最緊要係稍灼即起，唔好浸到稔晒！

平日我地叫「和牛」，今次試吓「本地牛」，較「和牛」便宜，但食味唔差！

豬肉：唔記得影相！

皇帝菜：又唔記得影相！

墨魚滑：好味！最緊要將啲蟹籽與魚滑一同灼熟，口感好好！

姪女「飛佛」：出前一叮！

「稻庭烏冬」：好鬼滑呀！

不過，我嚟左咁多次都未試過食蝦！初次光顧果陣懶高級咁，諗住叫隻象拔蚌試吓，誰知竟然冇貨！所以期後去食都冇諗過叫貴價海鮮食，「和牛」經已算係高級架啦！