是人？是鬼？
教育界立法會議員葉建源說，對於港大校委會發生的偷錄行為，「難以判斷是正確抑或不正確」。我驚訝於這位教育界代表、前中學校長、前教育學院講師為人師表的道德理解力。
如果爭辯偷拍、偷錄算不算犯罪？你不是警察，也不是法官，你「難以判斷」，還情有可原。今天，記者只是問葉老師偷錄對不對？你竟然說「難以判斷」，一個幼稚園生都懂的道理，一個文盲都知的道德界綫，代表教育界的你，曾為校長的你、曾在教育學院教出老師的你，竟然不懂判斷。(有咁嘅老師，就教出咁嘅學生！家長們：你地怕未？)
葉老師，聽說你是港大中文系畢業的，唸中文的人對中國文字多少有點深究吧？那我想向你請教一下：「偷錄」的「偷」，意指為何？是善行還是惡行？是合法還是非法？或者該改用小學生的學詞方法問你：這「偷」字，是褒義還是貶義？
當過教師的你，如果有日發現有學生考試時偷看鄰座同學的試卷，你是獎他？還是罰他？如果翌日你又發現有學生上課偷玩電話，你會駡他？還是讚他？
看試卷、玩電話、錄音，本來是一個中性行為，對，是不可判斷好壞的，但只要前面加上一個「偷」字，那絕對成了負面行為。葉老師，你是唸中文的，我們不說政治，我們只說文字，你認為這理解對不對？
如果葉老師還有懸念的話，我建議你翻翻犯罪學的書，我明白，老師不會甚麼都懂，但如果你連這個「偷」字都弄不清楚，作為約九萬香港教師代表，是不是太羞人了呢？ (佢經已醜到國際知名啦)
屈穎妍
佢是人？是鬼？一目瞭然啦！
英語水平跌不休 唔中唔西最堪憂香港一向以國際都會自居，英語係法定語言之一，表面上似乎好國際化，可惜只係假象咋，如果話港人嘅英語水平仲低過日本甚至越南，你信唔信吖？
唔係講笑架，有教育機構針對全球七十個國家及地區嘅調查顯示，香港成年人嘅英語能力僅排於全球第三十三位，比去年跌兩級；喺亞洲亦只能排於第九位，比去年跌咗一級，同亞洲排名第一嘅新加坡固然無得揮，更首次輸畀越南，只屬中級水平。以整體排名計，香港話就話仍然高過中國內地，但如果以城市計，香港已經低於上海同北京，講起真係失禮。(我地尊貴嘅教育界代表：俾個說法吖？)
點解會咁？有學者根據本身嘅教學經驗，發現大部分港人唔敢講英語(淨係夠膽講政治)，外地學生經常會積極主導討論，反而本地學生唔敢參與；學者建議老師應以鼓勵嘅態度培養學生學習興趣喎。
冇錯，學習語言最緊要多聽多講，如果唔敢開口講，一味紙上談兵，英語水平點可能提高吖。以前有項本地調查亦顯示，七成受訪僱主認為在職人士英語水平下降，證明呢個問題已經唔係一朝一夕嘅事。講到底，教育質素每況愈下，正正係英語水平不斷下跌嘅主要原因。回歸後港府好大喜功，教改一浪接一浪，結果愈改愈亂，尤其係母語教學更加弄巧反拙，搞到母語唔得，英語又唔掂。有人形容香港教育不中不西，不倫不類，真係冇講錯架。
所以話，港產官僚眼高手低，誤人子弟。就以全港性系統評估（TSA）嚟講吖，教育局一直強調評估成績唔會影響學校排名及學生升學，可惜講者自講，學校喺教育局嘅無形壓力之下，瘋狂操練學生，令老師及學生負擔大增，引起家長及教育界怨聲載道。有調查發現，大部分家長認為系統評估無助提升知識，反而造成極大壓力及困擾，唔少家長甚至認為子女壓力指數爆錶添。你話嘞，教育局無事生非，係咪添煩添亂吖？
唔怕唔識貨，最怕貨比貨。香港同新加坡有好多相似嘅地方，都曾經係英國殖民地，都係以華人為主嘅社會，以前不相伯仲，依家高下立見。新加坡教育搞得有聲有色，學生英文又得，中文又好，唔少人仲可以講幾種方言添；反觀香港教育七國咁亂，中文水平本來已經不如人，家陣連英文水平亦被人愈拋愈遠，想唔認輸都唔得，唔怪得近年香港嘅國際排名幾乎全部輸畀新加坡喇。(回歸後香港政府文件差不多全用中文，所以英文水評下降並不出奇，但相對用得較多的中文，有進步嗎？依家香港人最叻係時中時英---咁先至夠潮！)
一沉俱沉，港人英語水平下跌，可以講係回歸後樣樣沉淪嘅縮影。香港係高度開放嘅經濟體，過去主要靠國際貿易起家，今日連英語都唔掂，又點樣發展及生存呢？難為港產官僚仲話要喺「一帶一路」中擔任「帶路」角色，簡直唔知個醜字點寫！
唔好話鬼唔可怕，「鬼頭仔」可唔可怕吖？我諗任何一個機構/組織都唔樂意聘請「鬼頭仔」工作：洩密都仲可以打正旗號話係「維護正義」、明明係「偷」都仲可以話係....仲有天理嘅？不如學陳季常話齋：偷一次未為多吖！
10月4日播出的《城市論壇》中，討論過馮敬恩公開校委會會議內容的做法是否正確和合理，出席嘉賓中有葉建源（立法會教育界功能組別議員）和馮敬恩（港大學生會會長）。馮敬恩認為事件中，誠信和公義並不對立，有人則認為任何理由下都不應洩密。
葉建源雖與馮敬恩站在同一陣線，說話卻十分取巧，他沒有直接評論馮敬恩的對與錯，只說別看低年輕人以為他們蠢，認為馮敬恩很清楚自己所做的事，有自己的思想做決定，言中暗示馮敬恩的行為與其他人無關，若說有錯，也是馮敬恩一個人的錯。
雖不犯法但毀誠信最近，馮敬恩就被禁止再參與保密項目的討論接受電台訪問，他仍然不認為自己的洩密行為有錯，更指沒有足夠時間讓他尋求法律意見及協助，認為校委會此時下決定不公義。筆者希望馮同學能明白，從法律角度看，當在事情弄清前，認為有人可能會再犯，對社會有負面影響，可頒禁制令。
在刑事案上的扣押候審亦類同，就如懷疑強姦犯多數不獲保釋機會，是因為怕他在等候審訊期間，可能會危害社會安全。即使最後證實疑犯實屬無辜，亦不存在任何不公平。
在筆者看來，其實是馮敬恩心裡不服氣，想「拖時間」，期望有包公出現判他沒有錯(遇著「黃法官」機會都好大啫)。不過筆者覺得，即使包公再世，亦會判他有錯。馮敬恩的行為雖然不真正算是犯法，並非違反合同協議。但他毀的誠信和承諾，卻沒有一個法庭正式可監管(人地都講左咯，就算真係洩露機密都冇咩嘢罰則，真係孫悟空話齋：駛咩嘢驚呀？)。如此，校委會難道要無限期等，等他尋求法律意見？筆者贊同校委會的決定，不可能為此而停止處理馮敬恩失信的行為。
校委會不想政治化早前報章刊登了筆者的文章，內容有關馮敬恩失信。有反對筆者意見的朋友來電，說很多人想打筆者一頓，認為馮敬恩是為正義發聲。筆者卻不認同，除非會議內容涉及國家安全，預計將會發生罪案等，此時公開內容才算是正義之舉。如只是因為馮敬恩個人認為內容不公義，洩密行為絕不正義。
更可笑的是，真相日漸浮面，事情根本不如反校委會的人所想。起初反校委的原因，是認為否決陳文敏是政治行為。不過，經過馮敬恩兩次洩密、李國章和紀文鳳的錄音曝光後，原來校委會反而是不想搞政治才否決陳文敏。一連串的洩密風波，造成兩方受害：陳文敏形象被連串報道貶低；港大排名大跌，聲譽在國際上受損。
-----------------------------------------------
同是記者的屈穎妍受暴力威嚇危及新聞自由，記協龜縮不吭一聲。港大不道德的洩密偷錄，記協就立刻跑出來搖旗吶喊，記協是什麼政治顏色，畫公仔真係唔使畫出腸！(新聞自由就大晒，咁人家偷拍你出浴可唔可以話公眾有「知情權」吖？)
又講吓今期區議會選舉吖！我區有位候選人：(網上資料)
前九龍城民選區議員X，前民主黨黨員。自1994年當選，至2007年遭取消資格。
X於2006年被香港廉政公署控告一項串謀詐騙罪及四項提供虛假資料罪，指她於1998年9月至2004年9月間，涉嫌詐騙政府租金津貼。X在同年12月1日被判入獄十八個月，X因連續缺席三次區議會會議，於2007年5月24日失去區議員資格。其空缺由A得，而X氏辦事處則在8月初終止服務。
2007年8月，上訴庭維持X的定罪判決，但減刑至可當庭釋放(果個咩嘢官嚟？罪名冇減，竟然由十八個月監禁改為當庭釋放)。
X在2014年雨傘革命期間積極投入抗爭。佔領活動遭警方清場後，仍於旺角活躍，繼續參與鳩嗚團的流動抗爭。
2015年10月2日，X再次報名出選九龍城區？？？區區議員候選人。民主黨發出聲明，指其參選未經黨內中委會同意，涉違反黨紀，或會被開除黨籍。
人地今次鐘意打正「黃旗」做旗號呀！選民：你點睇？我梗係唔會選佢啦！
咁呢隻又是人？抑或是鬼呢？
Sinnid：畫公仔唔可以畫出腸架！
請問X是否馮競文呢？