仲駛問阿貴？
2015/12/02 10:06:53 網誌分類: 時事
公民講場：教育水準降 查找根「源」
本港不但大學排名下跌，就連在全球最佳學生城市嘅排名亦插水。英國高等教育調查機構Quacquarelli Symonds（QS）公布最新嘅「最佳學生城市」排名，香港排在第八位，較上次下跌三位。香港教育每況愈下，究竟問題出喺邊呢？相信全港家長都好想知。其實可以考慮問吓立法會教育界議員葉建源點解，不過近期佢非常之忙，除咗喺港大副校長任命及校委會主席人選風波中走在最前線外，又狙擊教育局力爭取消小三TSA，睇怕其他嘢佢都未必得閒理喇。香港教育水準下降，唔知佢又使唔使負責呢？
身為教育界代表，正經嘢(同教育有關嘅)唔做，專做埋啲唔等駛嘅嘢！香港學生交響呢啲人手，真係唔走歪路就奇囉！
歸根究底，我個人覺得與區議會有莫大關係。區議會係八零年代英國政府徹出香港前攪出嚟嘅，目得就係希望見倒今日咁嘅局面囉：
英國人真係聰明架(唉！難道中國人又真係蠢啲？我又唔同意：長平公主話主齋：君非莫亡國君，亡在群臣無抱負----香港出多幾個老嘅陳？？、李？？，嫩嘅黃？？，想唔死都難)，英國攪出個所謂「代議政制」，在各區成立區議會，美其名是放權給香港市民。但英國人明白，此法行不通，所以初期除了直選區議員外，每區都有若干名額的「委任議員」，由政府委任，使政府在某程度下，可以控制議會決策；但係又講明，「委任議員」名額要續步減少，直至完全由直選產生----呢個時候，九七回歸，呢個爛攤子咪由特區政府執手尾囉，幾惡毒！
又叉遠左！不過，呢啲概念要知，先可以講落去架。
咁當年啲「委任議員」點揀？一般都會係校長、商人、社工----點解？唉！咁多嘢問？佢地份工較自由吖馬！搵打工仔要佢老板批准架，打工仔顧住份工好、定顧住開會呢？當然，有些大機構都樂意讓高級職員接受委任嘅。
我亦曾經接觸過拒絕委任的校長，理由是：他/她們寧願將時間專注教育工作！雖然食左檸檬，不過私底下，我真係要salute(見禮)俾佢地，如果教育界人士可以有呢個心，香港教育唔會好似依家咁一團糟！
有人辭官歸故里，有人乘夜趕科場！當年小學教師都是半日安(返上午或下午)，即使是中學教師，亦是三時左右便收工，所以做就左好多教師出嚟選區議員，亦容易當選---你諗吓：佢地有幾多學生？家長X2....哈哈！
當選後，自然多左份津貼。遇著要上課、又要開會咁點算？原來教育界有不明文規矩，唔上課祇要搵倒代課老師兼買盒西餅慰勞受影響人士便可！
咁就做就左好多代課老師！你諗吓：代課老師會唔會用心教學？唔怕得罪講：就算你肯俾心機都冇用，教一堂可以做倒咩嘢？久而久之，學生水評唔差你問我啦！
再加埋，依家啲教師本身水評經已差，仲要將有限時間用響啲同教育無關嘅事，仲駛指望佢地教好子女？我之前都講：我明白點解響九年免費教育下，竟然有家長寧願違法留子女響屋企自己教！因為學歷其次、人品最緊要。人品唔好，話之你係學士、碩士......容咩嘢為左錢去做漢奸架！
回應 (0)
我要發表