尖沙咀朗廷酒店「唐閣」

律師回港，上星期長征去上水食晚飯，果餐律師請；當晚L總監話要回禮，約左尋日我地一共五姊妹響尖沙咀朗廷酒店「唐閣」午飯----唔係孤寒呀！佢係大忙人，約午飯較容易。而且，總監話齋：「唐閣」不便宜，係至愛親朋至約嚟呢度食架咋！

我都冇機會睇個菜牌，祇知總監同侍應講：「要呢個餐。」(我上「開飯網」睇﹐此店平均消費每位$400-$800)

以下照片是一人份量：

飲品：果汁或咖啡(熱飲冇得揀，得咖啡)。好似總監話齋：「食中菜、飲咖啡怪怪地」，不過咁嘅天時大家都唔想飲果汁。

一. 點心三款---據總監講：點心周不時會轉，所以揀飲擇食嘅未必啱！

二. 燒味----叉燒失準：唔係差，係唔算好！可能太瘦，感覺比較「鞋」。

三. 花膠羹：偏淡，可能要迎合現代人要少鹽、少糖嘅口味！

四. 時菜魚塊

五. 揚州炒飯：夠乾身、蝦亦爽，好！

六. 甜品亦不甜，走健康路線。

整體嚟講，食物算係水準之作----唔好諗住貴嘢就一定好食呀！因為貴嘅嘢，唔一定係好架，你未試過價錢又貴，食物又差嘅食肆咩？

呢兩次係觀音請羅漢，約定左律師下次返港、農曆年後，我地三姊妹回禮，實行羅漢請番觀音！