「娒明」主題餐廳

今年旺角新世紀商場以「娒明家族」作為聖誕新年佈置。冬至之日行商場，在尖沙咀LCX發現了「娒明主題餐廳」，一於反老還童，入去試試囉！

隔離有兩間食肆，一間係日式燒烤「牛角」，我在黃埔那間食過多次，梗係想試吓新嘢啦！另一間係「麵屋武藏」，不在考慮之列！

在門外經已睇過餐牌，選擇不多！不過，祇要有一樣啱食就得啦----我可以為一棵樹放棄成個森林架！

叫得做主題餐廳，咁成間餐廳嘅佈置自然係圍繞住「娒明家族」成員，出口處還僻了一小個角售賣紀念品。

我叫左呢個豬扒餐：$128

包括：餐湯--我問侍應是什麼餐湯？獲告知是「番茄湯」。但送來時卻是「忌廉磨菇湯」，好彩我唔揀飲擇食，而且個湯都唔錯！

飲品：我選了蘋果汁，飲落好蘋果呀！

還有少少沙律。

主菜豬扒餐：值得讚嘅係啲西蘭花稔度適中，唔似得啲酒樓為左碟頭大啲而祇將西蘭花略灼，很多時太硬，好難食；蕃茄與薯仔亦煎得恰到好處；至於件豬扒？OK啦，如果棚牙唔係咁好，可能覺得略硬﹃

有冇留意佢啲餐具全部用塑膠製品？冇法子啦，小朋友顧客為主(俾錢嘅就係大人)，容咩易打爛晒啲餐具架。

每位客人有權要求搵「娒明家族」其中一位成員陪你用餐(如果你搵果位先生/小姐咁啱招呼緊其他客人，你就要等架啦！嘩，攪到好似去左青樓咁)，我搵左「娒明媽媽」陪：

最後，每位客人憑單可以到售賣紀念品的角落抽取一個紀念品，值二十蚊！

以尖沙咀咁貴租金、咁嘅價錢、咁嘅質素，都值得一試嘅！