喜見政府硬起來!
2015/12/31 10:17:15 網誌分類: 時事
港大委任李國章做校委會主席一事,早有傳聞;今次終於刊憲啦,果班係又反、唔係又反嘅嘢梗係不滿啦!試問:除左委任佢地屬意果位仁兄外,有邊一位佢地唔反先?
既然政府無論如何都唔會就範,聽佢地枝笛咯,咁就一於唔好理佢地,做番自己野算啦!
請問:李國章以學歷、經歷來講,有邊樣唔合格先?果位仁兄連博士都唔係,都想做副校咯。
話雖如此,政府係咪經已冇人可揀、才焗住委任李博士呢?
政府一定明白,此委任一出,班嘢一定又借意發癲,政府有冇後著呢?
響過去呢廿年,差不多所有大事都因為要諮詢、要討論...而攪到每件事都遲左十年才成事、甚至係不能成事:
全民退休保障九四年經已提出,何解至今仍原地踏步?
各項大型基建工程,何解會延誤、何解會超支?
全民醫療保障何解不了了之?
........................................
香港依家推出咩嘢新政策都係:諮詢、討論、遊行反對、不了了之或者隔幾年又重新諮詢、討論、反對.....惡性循環!
永遠唔行出第一步,永遠祇能原地踏步!行出左、觀其成果,才加以修訂,總好過得個講字,浪費納稅人啲錢----晒時間兼冇成果!
如果係咁,不如以後一切照舊!咩嘢都唔改(包括我地尊貴嘅議員啲津貼),五十年不變,好嗎?
383383:法官好多都係「公文袋」嚟!你睇吓,攪亂秩序果班嘢---一係判無罪、一係有罪都係判社會服務令、即使係罪大惡極,都祇係判罰幾萬蚊!香港仲邊度有運行吖?
最大的問題是:
反對派,常常在你資詢時唔出聲,到你話做啦,他就來個司法覆核,要從頭再次資詢過…一來一回,很多工程、決策,自然被拖死拖垮。
奇就奇在法庭方面,應該見到這個情況,為何正常資詢期反對聲音不大,到正常程序差不多都做完時,才來個所謂司法覆核,都一樣照樣批準呢?這個,才是最大問題?
到現在,根本甚麼反政府的事,無論大小,都來司法覆核,問題是:法庭方面,有沒有考慮,某些所謂的投訴,在過往多年,都合法地進行,為何,突然要司法覆核?
例如:大學自主。
現在,明明是有一班人,假借校友會之名,去粗暴干涉大學運作。法庭無理由看不到。
真是好消息!