摺埋個「垃圾會」啦！

一次又一次「拉布」、一次又一次流會，....我一早響網誌度講左應該制定罰則，等果班借意唔開會嘅「專廢」議員承受金錢損失，咁先對得納稅人住架！

立法會早前繼續二讀版權修訂條例草案，反對派一開波就施展拉布戰術，不斷要求點人數，點到第十六次，建制派終於失守，會議宣告流會。唔該政府清算吓，究竟佢地浪費左幾多公帑？

身為納稅人，我地經已唔要求佢地對香港市民有貢獻(幾無奈)、但求佢地唔好再阻住個地球轉。我早前建議制定罰則，祇可以減低損失(其實都冇咩嘢用！佢地有的是「黑金」)，實際上於事無補！最徹底嘅方法梗係摺埋個「垃圾會」，無謂俾機會班廢物經常做埋啲「小學雞」行為，令市民啼笑皆非啦----仲笑？笑佢地幼稚囉！啼？幾多低下層市民連兩餐都攪唔掂，但係呢班嘢不斷消耗政府資源，真係唔傷心就有鬼咯，佢地知唔知路有凍死骨架！

佢地咁鍾意聲稱代表民意，不如政府嚟一次公投，睇吓市民是否認同佢地咁嘅表現、或者睇吓市民同唔同意解散「垃圾會」吖！