香港冇前途！
衣家嘅立法會，似乎抱住一個宗旨：多做多錯、少做少錯、唔做冇錯！
所以，班嘢日日響度做無賴----拉布！自己無所事事，但有高津收；即使建制班議員抱病出席會議，希望避免流會都唔掂！咁辛苦又點？一樣一事無成！呢啲咪正一係「阿蘭嫁阿瑞」，累鬥累囉！你地衰就算啦---起馬你地收左錢！難為納稅人，貼錢買難受呀。
真係懷念回歸前的日子！我唔係「走狗」，我唔係樂於做殖民地市民；但係以前大部份工作都交由有關部門做。即使有錯，咪檢討完再推行囉！起馬都行出左第一步先吖----如果樣樣都要諗到萬無一失嘅，咁就咩嘢都唔駛做咯！佢地唔知掛一會漏萬咩？
依家點呢？駛納稅人咁多錢(我第一個唔落意駛呢啲錢)養班廢人，攪到立法會淪為「垃圾會」、「拉布會」，會議廳變作「馬戲班」、「鬥獸場」，以前人人尊敬嘅議員變成市民眼中的「流氓」、「爛仔」....................自己唔想開會、又唔俾人地開會，我係正派嘅議員就辭職不幹，無謂俾佢地影衰我！
唔單止咁！我亦唔會再參選，等果班友玩晒囉！如果選民都仲要選佢地嘅，將來自食其果都抵佢地啦----雖然我都會被拖累！一於唔選囉：少票當選，睇吓你地仲夠唔夠膽話係代表選民發聲(唉！依家佢地都係將自己意見當係選民意見啦)？有冇問過你嘅選民贊唔贊成你地「拉布」呀？有冇問吓選民認唔認同你地響垃圾會掟蕉、掟杯呀？...(衰就衰在做議員好似免左疫咁，做咩嘢都冇法律制裁！)
所以，我好欣賞李國章架！難得佢幾十歲人仲肯捱呢啲義氣，希望佢硬淨啲啦！最緊要健健康康，唔係呢場硬仗點打呀？
坦言集：李國章是敗類？
香港大學一些學生為抗議李國章出任大學教務委員會主席而罷課；他們有罷課的自由，當然也要承擔代價，屆時考試不合格可不能怨天尤人(唓！佢地老豆大把，你駛同佢地擔心)。大學生已屬成年人，我們不應將之看作小孩來寵壞。不過，前學生會會長梁麗幗在罷課宣言裏，列舉李國章的不是之處，竟然罵李為教育界的敗類，卻令人齒冷。
李國章之被稱為沙皇，是一些人的無聊說法，只不過是李在中大校長及教統局局長任內，施政行事與這些人的主張不同，且作風強硬。可凡事都是在職權之內，並沒有違規犯法。至於教院的爭議，也沒有甚麼定論，難以入罪李國章。於是，梁麗幗列舉的「罪證」，實際只是政策措施的不同意見。
不同人有不同主張分屬正常，不能說別人主張與我不同，便將之否定，甚或妖魔化。公開指斥李國章為敗類，便屬無根的詆毀誣衊。梁是法律系的學生，讀的是英國的普通法，既不知法來隨意詆毀別人，也全無英國普通法教導下的教養(佢祇係崇洋啫，所以中文修養奇差！噢，講錯左，佢英文水評更差)。我們可否因此稱之為香港大學學生的「敗類」呢？(當然唔應該！但係人會聯想到物以類聚呢樣嘢。我夠成人勸人唔應該以貌取人咯；我成日講上天係好公平嘅，一個人貌醜啫，通常都係心地好嘅。但係響佢身上，真係裡外合一喎)當然不應該，可卻難以明白這樣思想心態行為的人，怎可作為學生領袖(要睇吓佢係幾多票當選？出席者又有幾多人？會唔會都係689票、甚至冇咁多呢？)當年港英政府第一次委任華人當港大校長，找的是黃麗松。我們在他上任前在《學苑》出了一份特刊，羅列他在新加坡南洋大學幫政府鎮壓學生運動的措施均是有根有據，從不將他妖魔化。我們不同意他替政府做事，卻尊重他作為學者，事後也證明他是一個好校長。做人做事做學生哪能像梁麗幗那樣？
駛左咁多寃枉錢養班廢人都算啦！佢地起馬都應該做番少少嘢吖、少少嘢都唔做都算啦，咁就唔好阻住人地做嘢囉！有心人不如計吓：佢地每年浪費左納稅人幾多錢？果啲錢如果用響扶貧/安老服務有幾多人得益？
政情：公民講場：月袋九皮嘢 泛民零貢獻
泛民議員近年喺立法會瘋狂拉布，令大量重要法案、基建工程同民生撥款受拖延。「人到無求膽自大」嘅政務司司長林鄭月娥，尋日就公開向泛民發炮，狠批佢哋月薪超過九萬元，做滿四年任期仲有成六十萬元約滿酬金，卻冇盡好議員責任開會，叫市民認清楚佢哋選出嚟嘅議員表現。以月薪九萬元同一成半嘅約滿酬金計算，議員四年任期可以淨袋近五百萬元，再乘以廿七個泛民議員就一億三千幾萬，用工聯會議員王國興嘅計法，足夠買幾百萬罐午餐肉同豆豉鯪魚囉！(唔好用午餐肉計啦！豪宅都買倒咯----仲唔駛納稅喎！仲可以住公屋喎！仲可以犯法喎！真係難怪爭崩頭都爭做議員！)
既然呢個會係冇用嘅、又嘥錢嘅，咁要來何用？
香港操控響呢班嘢手上，瓣瓣吾掂，仲有前途咩？
