政府好做唔做！

尚餘五十五日廣播壽命的亞洲電視，新聞部昨日幾近真空，遂叫停所有新聞時段，公然違反牌照條款規定，加上尚未獲發薪的四百多名員工相繼返回大埔總台執包袱，亞視最終可能因人手短缺而提早全面停播。資訊科技界立法會議員莫乃光指，亞視一旦提早熄機，其廣播「真空期」影響勢必擴大，「重播都好過睇雪花，咁即係逼我開電視機就睇一個台啫！」炮轟商務及經濟發展局過去九個月處理過渡工作進展緩慢，又未有任何應變方案，變相扼殺全港七百萬市民收看電視的選擇權新聞時段播「開心大發現」

亞視前日無法兌現支薪的承諾，令多個部門湧現離職潮，員工紛紛引用法例自動遣散，昨晨有多名員工陸續返回大埔總台收拾細軟，新聞部有十多人即日離職，昨日僅得一名採訪主任上班，結果令亞視無法按牌照規定，播放新聞節目。昨日亞視的《六點鐘新聞》時段以○九年節目「開心大發現」頂替，《夜間新聞》時段則改為播放「自遊自在食住行」，但偏偏選中昨日發生大地震的災區高雄市為首個目的地，遭到非議。亞視公關及宣傳科高級經理黃守東表示，會待農曆新年假期後、年初四再決定會否復播新聞報道，稱會維持基本廣播。

牌照條款規定，亞視每日傍晚六時至凌晨零時須播放兩節、每節不少於十五分鐘的新聞廣播，如今公然違規，通訊事務管理局回應指，已接獲亞視停播新聞報道的通知，會繼續密切留意事件最新發展。

亞視一旦提早在四月二日前自動「熄機」停止廣播，除四百多名員工受影響外，全港七百萬市民亦受牽連，因政府去年公布亞視不獲續牌後，善後方案是由香港電台及香港電視娛樂分別承接亞視的模擬及數碼電視廣播服務，惟港台上月底始就發射技術招標，明言四月二日的模擬廣播或出現真空期；港娛則須在四月一日後始接收亞視部分頻譜，故兩台肯定趕不及在四月一日或以前啟播，即市民屆時「焗睇」一個免費電視台。

---------------------------------------------------------

政府離晒譜，一味強調「亞視」如未能根據發牌規則每天播送兩個不少於十五分鐘的新聞時段，便是違規。亞視執笠已成定局，當前急務是幫助亞視員工解困，而不是執著於有冇違規。違規又如何？告得入又如何？拉邊個坐監？罰邊個俾錢？佢有錢俾就唔會攪到依家咁嘅局面啦！再者，與其糾纏響啲冇效益嘅嘢，何不諗吓盡快填補個真空期，唔好俾「無線」一台獨大，繼續當觀眾傻嘅好過啦。