特區政府種下的禍！
香港回歸接近廿年，教育水評每況愈下、青少年品德乏善可陳、垃圾會全無紀律、高官貪污情況回到冇廉署存在的情況、民怨越趨嚴重.....
以我一個土生木長的香港人(嚴正聲明，我並非「本土人士」，更恥與之為伍)，回歸時對香港真係寄予厚望架；可惜吖，回歸後，特區政府真係好唔掂，做事畏首畏尾，船頭驚鬼、船尾驚賊，攪到咩嘢都做唔掂！
特區政府怕咩嘢？
一. 代議政制由部份委任改為全部直選：呢樣嘢英國政府都知係行唔通嘅！呢一招係希望英國徹出香港後，用以整估你班香港人啫！特區政府明知不可行，卻因為有班「犯人」響議會度嘈喧巴敝，受唔住壓力咁又應承左，但係又明知道班「犯人」係受左人錢財，攪亂香港，咁何解又要理佢地呢？
二. 垃圾會淪落為「鬥獸場」：做緊高官，如果經濟冇問題嘅，都「拿拿林」告老歸田、懶彩果班禽獸；當然，有人辭官歸故理，亦自然有人繼續趕科場，原本諗住玩幾年威吓嘅、結果變成俾人玩，最終都要「劈砲」！
三. 教育制度：教師話呢樣唔好又改、學生話果樣唔好又改！結果咩嘢都唔駛做，留番啲時間俾啲「教棍」灌輸俾學生各種歪理：用磚頭掟人都唔算暴力、圍警署係和平示威...所以，依家即使係「大學生」(呢個名經已臭晒啦)中英文水評都得「水皮」兩字！
四. 議會冇紀律、議員冇修養：邊個縱容出嚟架？無規矩不可以正方圓，一開始唔揸正嚟做，依家咪變成「冇王管」囉！第日一路開會、一路拮魚蛋食都得。
五. 現今嘅「暗報」同「毒果」：失實/歪曲新聞報導，何解唔禁之？
六. 有曲友講：年宵市地原本係俾市民開開心心行花市，買吓花、買吓賀年食品/用品的地方。但近年有很多攤檔都俾政黨做宣傳/收受捐款、甚至招兵買馬，塗毒青少年，更多時唔同政黨支持者，因政見不同而在花市互相謾罵，破壞新年氣氛！
七. 「佔中」事件不經不覺年多，犯案者很多仍逍遙法外。雖然明顯有超過七成港人都唔認同佢地嘅行為，但一日有班「犯人」、一日有班「教棍」響度，青少年經佢地長時間熏陶下，已經不辨是非。再者，佔中犯事者即使判定有罪，亦祇是輕判，根本全無阻嚇作用。所以，年初一旺角暴動便一發不可收拾！鬼咩，衝擊垃圾會又冇事、打警察又冇事(我真係想睇吓，如果打特首會點啫)...打左又點？自會有班「犯人律棍」幫佢地脫罪！
請問：如果暴徙最終又係被判無罪或者輕判，我地呢啲沉默的香港人去圍法庭、圍法官、網上欺凌法官啲屋企人，係咪都無罪呢？
特區政府：
你再唔撥亂反正，再係咁縱容班「犯人」，連我呢個沉默的香港人都頂你唔順，要做反啦！我驚下一班反政府嘅係警隊呀！辜息祇會養奸。暴亂祇會越來越激！
笑看天下：誰令暴徒變天神？ 旺角大年初一深夜至年初二凌晨發生的嚴重暴亂，引起社會各方關注。旺角黑夜事件，無論是「騷亂」、「暴亂」、「暴動」，一言以蔽之：社會失序彰彰明甚！而政府管治無能，在今次的騷亂事件，已為香港這個「法治之區」敲起警鐘！令人特別擔憂的是，暴亂後社會的撕裂進一步拉闊，勇武的激進分子斗膽宣言：寧為玉碎，不作瓦全。此等妖言惑眾的言論，只要得到小部分熱血青年人的認同，以暴易暴，整個社會將喪無日矣！ 至於前線警員的「牢騷」與不滿情緒，有關當局切不可等閒視之，當晚暴亂，前線警員被暴徒圍攻的影片曝光，大家看到前線警員的「無助」，除了向天鳴槍示警，只能用暴徒掟來的磚頭還擊，「裝備一流」的香港警方竟未能用催淚煙、橡膠彈和半自動步槍等武器平亂，致使逾九十名警員受傷，警隊高層實在應該好好反省何以會搞成咁不堪並問責！ 有資深傳媒人翻查《一九六六年九龍騷動調查委員會報告書》，指出今次旺角騷亂與當年情況有驚人相似之處，譬如主戰場都是旺角、暴徒都是年輕人，又是掟石（今次是磚塊）和放火，唯一不同的是五十年前那一趟的「暴徒」是偶發聚集參加，今次大多是響應網上召集參與。 老朽相信，今次的旺角暴亂，比起五十年前的「騷亂」更加兇險，除了是「社會深層次矛盾」、「香港大撕裂」等原因，更明顯的是，當年的騷動報告，調查委員會特別指出，民眾批評警方的權力過大：「政府對我們並不關懷，而且把所有權力交給警方。」 如今的旺角暴亂，情況逆轉，「勇武」者揸住大聲公站在小巴上，大言炎炎、威風八面地宣揚要為小販出頭，維護所謂「本土特色」，把自己變成天神！這種氣燄，無疑都是政府在佔中一役執法不嚴種出來的惡果！
為何法律變成如此低B無能呢？
只怪教法律的，教人去犯法！
讀法律的，視法律為無物！
做律師的，高聲叫人不用怕犯法！
做法官的，對犯法者一再縱容！
香港，已經變得無法無天，犯法者，公然光頭打傘，名正言順地犯法！
如果特區政府會嚴懲兇徒，依家都唔駛攪成咁啦！
今早，有大型車停車場發生燒車事件。
如果証實是縱火，呵…是誰做的呢？要捉出來，嚴懲了吧？