浮生半日閒
2016/02/14 10:56:41 網誌分類: 生活
網誌由年初一鬧到年初六,今日年初七「人日」,又適逢係「情人節」,在此恭祝各位網友情人節愉快、人日愉快!暫時忘記果班「瘟神」先!
今年年初一至年初四均陽光普照,偏偏年初五卻是「天陰陰、灰暗暗」,但我一早約左「哎呀大仔」與另一位曲友去大尾督半日遊,一來同佢地「開年」、二來順道跟姊妹拜年;所以雖然當日有點陰凍陰凍,都無改大家興緻。
我們約左上午十一時在大埔墟火車站集合,然後乘專線小巴往大尾督。午餐在「BB開心棧」,叫了四個餸:
BB豆腐:
半隻鹽焗走地雞:
南瓜酥:
客家煎藕餅:
四個人、四碟餸基本上食唔晒,兼且有三味係煎炸食物!
飯後步行往兩街之隔嘅大尾督巴士總站,沿山路行上堤壩。雖然我來此多次,行上堤壩是第一次。原來該處除了是踏單車聖地外,亦是放風箏好去處。不過,因為天太灰啦,加上我用手機拍,所以效果很差:
海面上還有多首風帆:
還有一大發現!原來該處可清楚看到遠處「慈山寺」觀音像側面---如果當日風和日麗,效果一定好!
雖然天氣唔好,拍得又濛!不過聽明人一定見倒,你唔好話俾我聽見唔倒呀:(「慈山寺」我在去年3月23日「宗教」分類網誌介紹過)
四個餸我都意食!
年初五原來是破日,不宜出門!我們選了個好時晨!我發生了生平第一次遺失百達通呀!希望能破財擋災啦!
原來人人生日。
祝生日快樂!