迪迪尼真折墮（續集）

迪迪尼話想同海洋公園出聯票，海洋公園啋佢都有味。

迪迪尼又話想同昂坪360出聯票，自身難保的昂坪居然都話唔騷佢。

估唔到，哈哈！海洋公園同昂坪360聯手，互相畀九折優惠。去昂坪玩完，去海洋公園有折；去海洋公園玩完，去昂坪有折。

海昂聯手，棒打落水狗！Yeah！

迪迪尼上次同自由黨夾份，請班天水圍低收入家庭入去玩。自由黨固然威威，人地民建聯頂晒龍請人去長州食海鮮，佢就請人去迪迪尼。但據聞，那天除了自由黨請的二千人外，迪迪尼好似已經冇其他遊客，包場咁款。咁淒涼，真係電費都蝕埋呀陰公！