吃吉隆坡地道早餐

吉隆坡燕美街市 (Imbi Market) 在當地好有名氣，主要做早餐生意，所以食店開到12點左右就好多都閂門，要食就要早少少黎。

吉隆坡本身物價低，所以食到捧住個肚走，荷包都唔會太傷，而這裡最出名是食早餐卷、腸粉加杯冰咖啡。

早餐卷同腸粉既檔攤好易搵，而有一檔叫阿榮哥海南茶檔既海南冰咖啡，沒有平時咖啡個種苦澀味，一定要試！

早餐卷是用蘿蔔整嘅，味道岩岩好，唔油膩，因為太好食，食完一卷又一卷，我問老闆娘，帶番香港會唔會變壞。她講只可以放4個鐘左右，唔係入面啲料會軟哂唔好食，同埋會開始變壞。

腸粉同香港嘅唔同，我個人覺得個醬先係主角，因為我唔知邊款好味，就叫老闆幫我揀。老闆問我係台灣人定香港人，之後就幫我揀左咖哩味汁。

市場附近還有日用品賣，仲有啲熱帶生果，食完地道早餐，可以順便去逛個街，消化下腸胃既食物！