那些年的工廠妹

2016/04/20 06:48:17 網誌分類: 生活
20 Apr

政情:李慧琼憶述「工廠妹」生活

 

 好多學生哥都會搵暑期工,賺下使費同攞啲工作經驗咁,雖然李慧琼(Starry)依家係會計師兼立法會議員,原來佢細個做過工廠妹。

 

我地果個年代,放暑假冇得去玩,第一時間係搵份暑期工幫補家計。那畤最容易係去工廠揾工,做工廠妹。記得我搵嘅第一份暑期工,係「抹鏡片」。抹咩嘢鏡片呀?望遠鏡囉!果陣時我未足十六歲,要借家姊嘅兒童證(當時兒童證冇相片)去見工,由於我生得都算高大,所以份工一見即成!唔好以為咁簡單呀,見工果陣要檢查吓我手汗多唔多,手汗多便難勝任。

 

我最後退休果份工負責人力資源、會計、獻計......發覺依家做暑期工(intern)唔係為搵錢幫補家計。而且,現今香港工業式微,何來工廠吖?現今的暑期工多在冩字樓工作。有一段時期做intern冇人工,即係話佢地車錢、飯錢都要自己出。何解咁都制?想要封推薦信、方便將來搵工囉!當然,呢啲intern一個二個響外國留學返嚟,老豆大把,唔會志在果雞碎咁多錢啦!

 

Starry話讀中學嘅時候同啲同學仔一齊去咗印刷廠,印啲襟章,嗰次係佢第一次做嘢,覺得幾好玩,不過人工就真係唔高嘞,成份糧買下嘢、請媽咪、爸爸食嘢,都已經好快用完(佢就好啦!我搵幾多都要上繳架)。到大學嘅時候讀會計,就想了解多啲工作係點,於是去咗會計師樓做實習,但佢就冇去大行,因為大行競爭都幾大,佢就揀咗較細規模嘅會計師樓,覺得細間有細間好,學得比較全面,暑期工嘅工作都比較簡單,又真係唔覺得辛苦喎。

 

蔣麗芸請人 注重有發揮

 

講起暑期工,Starry嘅黨友蔣麗芸(Ann)就話自己依家請暑期工,最注重係畀到年輕人有發揮嘅機會,曾經試過請佢哋幫自己處理網上宣傳,年輕人比較貼近網絡,幫到手之餘,又可以發揮所長,大家都開心咁話。

 

以前每年放暑假都要做工廠妹。那些年最搵倒錢嘅係做成衣同假髮,所以我做過成衣包裝架!亦做過假髮。我都算叻啦----返左工兩日,組長便叫我試吓裁髮網;當年裁髮網係要有經驗先做得,因為那時髮網的質料好容易走位,裁得唔對稱個網就要報銷!可能因為我有學裁剪,所以呢啲嘢難唔倒我;但亦因此得罪左右隔離-------人地做左幾年都未有得上位!好彩不久學校便介紹左份寫字樓工俾我,咁梗係拿拿林走多頭啦!

回應 (1)
我要發表
開心van仔
開心van仔 2016/04/20 12:09:02 回覆

我無做暑期工,但有做家穿珠帶,當年澳門很多人取回家做,我隔離屋也有取回家穿,我去玩,佢剋扣軍糧,中間食我三份一人工!只是下午買個飽給我地食,(有三個小朋友)我將個飽給家人食。

讀完書第一份(也是唯一份工)就是去製衣廠車衫。

user

最新回應

立 冬
立 冬 2018/06/13

新版都有好處的, 至少用手機來睇會較以前方便.  你休息夠了再回來啦!   {#iconb_21}

VanYYY
VanYYY 2018/05/24
@域 流亦詩...

雖然我封舉,有空仍會拜讀你的大作!

KING.
KING. 2018/05/19

都要改啦, 以前頭條blog都唔係mobile reponsive web. 而家改左,你有冇發覺冇以前咁棘.

域 流亦詩
域 流亦詩 2018/05/18

祝你身體健康、愉快。它朝有機會再在博海相見!