迷你倉v保險箱

2016/06/29 07:01:12 網誌分類: 生活
29 Jun

早前我講笑,心諗有冇人會利用「迷你倉」作存放仙人骨灰之用呢?原來真係有架。

「迷你倉」與「保險箱」,講出嚟好似大纜都扯唔埋:依家租個保管箱,最小果種都要過千蚊一個月,但係租個迷你倉,大過保險箱幾十倍都係千幾蚊!咁放響「保險箱」係咪較安全?咁又唔見得,保險箱都出過事啦!

不過,講真吖!我都幾佩服諗倒做「迷你倉」果位時先生,據報導佢響經濟低迷時諗倒呢條「橋」,眨吓眼就歸本。今次事件冇人想發生,祇係政府後知後覺,據講謝偉俊一早響垃圾會提出左「迷你倉」安全問題。

撇開最近「迷你倉」火警事件,迷你倉又點止存倉咁簡單!迷你倉如雨後春筍遍佈全港,標榜鄰近地鐵站、24小時冷氣、免費WiFi,在「無王管」下,迷你倉的用途亦愈來愈千奇百趣,除了蝸居,有人用來經營漫畫店、古箏教室、放骨灰,甚至當作時鐘酒店。

1. 二手漫畫店(有腦:咁誇張都冇人理!)

漫畫迷鄧先生半年前開始光顧在鄰近鑽石山地鐵站的新蒲崗經營的二手漫畫店,他說近年商場舖的二手漫畫店愈來愈少,不少店轉戰迷你倉經營,既可存倉,又可做生意,大減成本。

以鄧先生光顧的二手漫畫店為例,店主在Facebook開專頁,並會向客人提供迷你倉大門密碼,內進後倉內並無管理人,店主會出來接洽,該店租了多個倉,其中3個供客人入內選購,分日漫區、港漫區和其他,每個面積約80平方呎,四面牆都設架放滿漫畫,由兩名職員管理。

鄧先生指,顧客不限逗留時間,每次光顧都見有4至5名客人。他引述店主稱,內地客也愛買二手漫畫,所以有市場。

他又指,過去無留意迷你倉的安全,但發生今次大火後,也覺得心驚,可能不敢再去。

 

新蒲崗有迷你倉用作二手漫畫店,不同倉更分為日漫區和港漫區等。(經濟日報記者攝)

新蒲崗有迷你倉用作二手漫畫店,不同倉更分為日漫區和港漫區等。

 

2. 蝸居(對市民來說:總好過瞓天橋頂、天橋底吖!虧佢地想得到。幾百蚊到千多圓一個月,唔駛交水電費,廿四小時冷氣,最多去附近公廁沖涼兼買蒸溜水解決啫,除笨有精喎!不過我印象中,呢啲迷你倉氣溫幾低,好似瞓響雪房咁,我接受唔倒囉!)

今次發生火警的牛頭角時昌迷你倉,因租用該倉的苦主稱,疑有一家人居住上址,每次上去都見到他們,而且小孩會在倉外開枱做功課或用電腦。

時昌迷你倉創辦人時景恒過去接受訪問時曾透露,有租客用迷你倉放骨灰、甚至當劏房使用,終被趕走。

近年亦屢有報道指因為租金昂貴,有人屈蛇以迷你倉為家。2011年已有市民稱以每月700多元租住20平方呎的迷你倉,但礙於工廈不准居住,所以要在街外流連,至夜深才回倉,亦要另覓地方洗澡。

3. 單車倉(呢類唔係危險物品,冇咩所謂啦)

為迎合眾家居狹窄的單車發燒友需要,不少迷你倉近年紛紛增設單車倉。倉庫標榜有獨立更衣室、淋浴設備、又設單車維修設備、單車泵,最重要是距離單車徑 10 分鐘路程。踏完單車,再回到迷你倉淋浴過後才離開,十分方便,月租只需200元起。

 

近年不少迷你倉發展單車倉,方便蝸居港人也可享單車樂。(網上圖片)

近年不少迷你倉發展單車倉,方便蝸居港人也可享單車樂。

4. 古箏教室(虧佢諗得到!不過,如果我係家長,我一定唔會俾子女去呢啲地方上課!冇錢寧願唔學。)

有古箏老師早前在深水埗一幢逾40年樓齡工廈的的迷你倉內,租用了一個面積約80平方尺的小單位,教授小、中學生古箏,由於地方狹小,老師每次只能教導一位學生,若有學生早到,便需在門外等候;由於迷你倉每月租金便宜,加上教授的均是基層學生,其古箏課的收費亦較平,每小時約100至150元。

5. 藏毒(你同我都諗得倒啦)


迷你倉過去曾被不法份子利用,海關去年曾在觀塘及牛頭角區內3個迷你倉及1住所,檢獲40萬粒冒牌藥物,包括「偉哥」和大批危險第一類毒品,總值約1,000萬元,相信是十年內檢獲最高價值的冒牌藥物。

另外,亦有2名南美毒梟去年5月租用旺角廣東道一間迷你倉儲存可卡因毒品。

6. 時鐘酒店(嘩!咁都得?不過,如果一個二個租客都係咁諗,何來私隱?)


有網民稱,租用迷你倉代替時鐘酒店,60平方尺已足夠「gathering」,月租只需1000元,「又唔怕比屋企人撞破,又唔怕野戰比人偷影或比阿sir啦,又平過時鐘酒店。」

雖然迷你倉用途千奇百怪,但提提大家,迷你倉只可作「工業或倉庫」用途,其他用途一律違反地契。若發生意外,保險可能失效。

一般而言,保險箱咁細,放得咩嘢吖?不外乎屋契、金銀珠寶之類!我放得最多嘅係首日封、小存張.....呢類可能好值錢、又可能一文不值嘅嘢!

照咁睇嚟,「迷你倉」好用夾抵用過「保險箱」好多喎!

 

回應 (0)
我要發表
user

最新回應

立 冬
立 冬 2018/06/13

新版都有好處的, 至少用手機來睇會較以前方便.  你休息夠了再回來啦!   {#iconb_21}

VanYYY
VanYYY 2018/05/24
@域 流亦詩...

雖然我封舉,有空仍會拜讀你的大作!

KING.
KING. 2018/05/19

都要改啦, 以前頭條blog都唔係mobile reponsive web. 而家改左,你有冇發覺冇以前咁棘.

域 流亦詩
域 流亦詩 2018/05/18

祝你身體健康、愉快。它朝有機會再在博海相見!