危城

剛過去嘅星期三，我同「哎呀大仔」北上操曲，其中一首係「潞安州」，故事講述將軍陸登孤守潞安州數月，因苦盼朝廷救兵不至，知城危在旦夕，乃回與妻訣别，囑妻擕出世方兩月之幼兒陸文龍逃奔，祈為陸門留下一脈。陸妻剛烈不從，將陸文龍付托乳母，與陸登慷慨赴死故事。

曲詞其中有一句，陸妻問丈夫：「看今夜危城不保，將軍決與城共存亡嗎？」

--------------------------------------------

香港近呢廿年真係多事之秋，「正苦」冇用、「廉署」又唔知做咩？良好市民除左左一句「無奈」、右一句「無奈」之外，真係唔知可以做咩？

「垃圾會」有幾咁冇用，大家有目共睹！咁又點？選錯佢地，一捱就要捱四年。「祥仔」金句：人生有幾多個十年吖？睇嚟依家要改作：人生有幾多個四年吖？

區議員無決策力，殺傷力有限！但係「垃圾會」議員，除了花去大量納稅人金錢之外，還可以握殺香港於無形！

尋日中學同學聚會。今次與上一次相隔祇兩星期，因為有位移左民嘅同學剛回港，而期後三個月同學們陸續出門，下次聚會可能要等到聖誕節。我呢班同學大部份住響「新界東」，亦多是退休教師。佢地可能都睇左「屈穎妍」這篇文章：

http://blogcity.me/blog/list_blog.asp?f=UGIXMQ49WH241178

一齊問我：「垃圾」我梗係唔食啦，但係「雞肋」可以點揀？

雖然我住響「九龍西」，自問對各區候選人大部份都認識；既然佢地問到，我梗係詳細分析俾佢地聽啦！但係我唔會指明叫佢地投何人，祇講出我所採用嘅篩選法，同埋叫佢地唔好浪費保貴的一票投給全無機會的候選人。

---------------------------------------

回程時，得知有幾位「飯民」候選人棄選，好明顯係有鬼啦！參選時其實有退選機制----在載止提名前都可以退選。早前「新界西」果位仁兄棄選，我也曾加以分析佢棄選動機；而今次集體棄選，當然唔會係個人決定啦！

早前報章報導，「李漢奸」與某候選人朝見「死肥佬」，不久便發生此事，很難唔令人聯想到係「死肥佬」出嘅鬼主意！唓，鬼主意都要有人buy先至得架！呢班嘢雖然同屬「飯民」，但係「飯民」都各懷鬼胎架，點解會聽佢支笛？唓，你唔知「有錢駛得鬼推磨」咩？「公民袋」又好、「民主袋」又好、「工袋」又好....一個二個都收過「黑金」(祇係廉署放生佢地啫！何解？難道廉署都收左「黑金」？有咩嘢出奇啫？「貪湯」開左個頭，人地見冇事，咪跟尾囉！錢嚟架，執輸行頭慘過敗家呀！)

柳玉柳(陳季常老婆呀)話齋：偷一次未為偷，你仲想偷幾多次呀？

咁收一次未為多，錢梗係多多益善啦！

香港今日攪成咁，要怪咪怪「正苦」(蜀中無大將)、怪「廉署」(收同受都冇事)、怪「司法獨立」(犯法祇輕判----咁梗係睇吓你係邊個啦)囉！

----------------------------

明日便是四年一度「垃圾會」選舉，今次再輸，又要等四年啦！即使我地呢啲良好市民肯做「陸登」，願與香港共存亡，都要「正苦」配合至得架！「正苦」咁差，縱容左佢地咁耐「「正苦」再唔發奮、「阿爺」再唔出手，我驚香港會好似「潞安州」咁、好似陸登咁，死得好慘！

今年救唔倒，四年後更難！人地依家經已開始響小學度播「毒」，呢班人仔依家未夠秤做選民，「正苦」唔阻止，等佢地做左選民，香港唔死？你問我啦！