又有矛招？

我成日都話：政治係黑暗嘅！但係咁又點？我地都局住活在黑暗中啦！

今日投票日，剛剛行過兵家必爭之地，嘩！果班「社聞？」一個二個面目猙獰，叫聲拆天，叫人唔好投邊個！正常嘅候選人祇會叫人投自己，所以呢班係唔正常嘅？？囉！

剛收倒一個whatsapp：頭先我朋友投票，D人比個紅印佢，平時投票係黑印(我今朝果個都係)，我朋友要求換左好耐D人先肯處理。

我唔清楚會唔會有紅、黑兩色選擇，照計應該唔會；除左黑色，所有顏色都不能接受。不過，自八零年代起、直至我退休前，每次選舉我都有參與；其實我認同票站職員有些是某些政黨的支持者(甚至係刻意參與選舉工作做內應)，至於會唔會做假？哈哈！真係好難講。

但係，如果祇有黑印，而你用左紅印(或其他顏色)，你以為投左票，但結果變成廢票，咁咪死？唉！你話幾咁黑暗吖？點解唔可以光明正大咁做人播？無法啦，佢地都唔係人！

再舉個例吖！遇著啲眼又矇、耳又聾需要協助嘅，你叫佢選張三，協助你嘅職員幫你蓋上李四，都冇仇報架！所以，自己小心囉。

經過左咁多屆選舉，選舉事務處整個流程，其實不同黨派都好清楚；「佔中」期間，大家都看得見公務員中亦不乏「黃絲」！選舉需要大量人手，所以當天工作人員來自五湖四海，真係咩嘢人、咩嘢事都可能會發生架！

個人認為，如果真係發生與過去不相同的情況，首先應向票站主任查證；如果不得要領、或者仍有懷疑，應即時致電選舉事務處澄清(28911001---不過，接聽電話果位仁兄/仁姊又是否中立嘅呢)，亦要記下有關職員姓名、所屬投票站同時間，以便調查，千其唔好賊過先興兵！因為如果有人做假，便要即時送佢上路。