香港有個「隱形特首」

特首乃香港首長，現時那689，姓名L字頭，而那位隱形特首，無獨有偶，亦是L字頭。

特首有咩嘢特徵？依家睇嚟首要係姓L字頭囉！另外係：

一. 有班細嘅跟住，對佢唯命是從；

二. 可以翻手為雲、覆手為雨；

三. 不得民心，經常俾市民鬧爆；

四. 經常俾人掟....好似杯呀、碟呀、內臟呀；

五. 少出街：因為每次出街都俾人鬧、俾人掟；所以，盡可能安排班「靚」嚟謹見；

六. 夠面矇：住處外經常有人鬧爆，叫囂都可以當佢地死嘅！即係夠晒面懞。

七. 皮笑肉不笑;

八. 有錢囉(八方水喉射住)！冇錢？鬼聽你支笛呀！一係就好打得：仲要好似「城寨英雄」咁，打不死喎！

九. 可以操縱選舉---要邊個贏就贏、要放棄邊個就邊個；被放棄果個仲矇在鼓裡，死左都唔知咩嘢事！

睇嚟，隱形特首叻過真特首！人地多左689特徵呀！再者，你在明，佢在暗，赢晒啦！