意外收穫
2016/10/13 16:30:07
網誌分類:
生活
早場睇《史諾登風暴》。吃過午飯,四點睇《薩利機長——逼降奇蹟》!稍休一會,吃過茶餐意猶未盡,七點半,連下三城,睇埋《湄公河行動》。點解睇得咁頻密?因為,阿女平時多功課,躲在家中埋頭苦幹,好似師奶買菜,一次出街買齊幾日菜式,這一招,都係慳時間的方法,一日睇晒一個星期想睇的戲。
三部之中,有一個特色,就係真人真事改編的《史諾登風暴》,更是發生在香港,前CIA外判程式員,下載了中情局監控美國全民資料,出走美國來到香港,特區面對前所未有的外交災難。
但係,電影裏面,沒有香港景色,史諾登來到香港只係躲在酒店房,足不出戶,無乜外景。
《薩利機長——逼降奇蹟》,發生喺二○○九年十一月,一架全美航空客,起飛不到十分鐘,遇到高空雀鳥撞飛機,被逼急降紐約赫德遜河,挽救了一場航空災難。
港片《湄公河行動》,也是改編自二○一一年十月五日的新聞,兩艘中國商船來到老撾、緬甸、泰國交界的金三角,被發現船上十三名船員,全部被殺,棄屍湄公河。
阿女聽過百慕達三角,未聞金三角,喺呢一部電影,就知道販毒金三角是甚麼地方。三部電影播完,尾段打出真人真事真新聞的片段,真人和電影對照,阿女睇完電影,有意外收穫,提高了她對新聞的濃厚興趣。
林超榮
回應
(0)
我要發表