秋風起三蛇肥
2016/10/20 08:42:57
網誌分類:
經濟
每年十月中就有人約我吃蛇宴，價錢便宜，約二百五十蚊一位，都是各界工會搞的街坊蛇宴。地方雖然屈質，但係比起街上的蛇舖，一碗價錢約七、八十蚊，那些工會蛇宴，席上一鍋蛇羹，每人可以分到三碗吃，連光三碗，已經回本。
吃過蛇，還有竹絲雞湯、炒蛇絲、炸子雞、鮑汁鵝掌……不但吃到捧着肚子，每人還可以打包兩大兩盒。
前天晚上，大風大雨，三號風球除下，在秋風秋雨的晚上，我去大啖蛇羹，真係好氣氛。
吃第一碗，已經面紅耳熱，再添一碗，全身發燙，再添第三碗，就汗流浹背，我跟老闆說話「這碗蛇羹，都係貨真價實，進補合時，陽氣十足……吃到我全身發熱。」
老闆不好意思說：「唔好意思，係冷氣機壞咗，吃到大家大汗疊細汗。」，吃蛇宴的酒樓，要食客吃得滋味，不妨包裝一下，將冷氣溫度調校至二十三度以上。每年吃完蛇，都想包一圍請親朋戚友吃，主持人總是回覆，「唔好意思，已經滿額。」
工會蛇羹由十月中，做到明年一月尾的農曆新年前，他們沒有宣傳沒有廣告，全部直銷，一樣爆滿。我計一計數，每晚約做六圍，做足一百日，一圍收二千八啦，可以做六百圍，私房菜形式運作，除埋燈油火蠟，其實都有錢落袋，佢哋做得過，我哋食得過，皆大歡喜。
林超榮
回應
(0)
我要發表