「青政」應定為反中亂港非法團體

聽其言、知其行，「青政」由成立至今一直都係反中亂港、鼓吹「港獨」的非法團體。依家選出果兩件(用個「件」字係因為我認為佢地係垃圾，基本上應該丟棄在垃圾箱內、再送到堆田區處理，唔應該留響度污染香港環境！)響宣誓就職時講出/做出啲咁嘅嘢，根本天理難容！

此團體成立至今，有咩嘢好事做過？佢地鼓吹「港獨」，可算不容置疑；另外果個「少理老鼠」一樣，掛住羊頭賣狗肉，響大學誤人子弟。衰就衰在呢個「正苦」唔爭氣，明知佢地係咁、但因為佢地夠膽簽果份「確認書」，所以「正苦」俾佢地入閘。咁樣做其實對「涼天奇」唔公道，佢衰得嚟仲叫做有啲原則吖，呢幾件係跪地戲豬乸，連「的多」風骨都冇！

再睇番果幾件嘢，在選舉論壇進行期間，無時無刻都在鼓吹「港獨」(「正苦」都唔做嘢，才令人嘖嘖稱奇)！甚麼「自決」？如果佢地肯「自我解決」，咁就真係港人之福咯。

我一直都以為現今嘅八九十後攪成咁，完全歸咎於教育嘅問題；好似霍小玉話齋：阿媽，我依家知錯啦！原來家庭教育一樣出左好大問題。

「禎子」的「X嘢論」，唔係有佢個「臭罌」盲撐咩？冇咁嘅父母、即使教育有問題，家教響某程度上都可以發揮作用，糾正錯誤，問題係佢屋企都有問題吖馬！

我堅持：唔可以俾佢地道歉、或再宣誓了事！再宣誓根本冇意義：祇係俾機會佢地講大話啫！果件「x仲痕」直到今時今日，咪一樣堅持佢果啲發音係鄉音，你覺得佢會悔改咩？

講番「青政」，我唔知佢係根據咩嘢條例註冊？或者佢根本未註冊！一個咁嘅團體(睇佢地出左啲咩嘢臭草就知啦)，香港「正苦」仲可以容許佢存在？

上網查證吓，哈哈！原來呢個黨嘅口號係(得英文咋)：

You say, I do, We change

大意係：你講，我做，我地改變嘅意思！但唔排除佢地原意，最尾果句係「我地會攪到天翻地覆」咁解；又或者「你指出我地錯，我地會改」！哈哈，幾稀矣！

你知啦！佢地英文發音同理解能力都咁差，正常人好難明嘅。

至於頭果兩句，我會理解成：「市民講得出，我做得到」！依家好多市民都想佢地辭職喎，佢地會唔會？會唔會賴佢地立黨之初，誤解左黨號嘅英文意思呢？

全球華人怒火沖天，截至17/10/2016香港時間10時，超過30萬人參加網上聯署，強烈譴責游蕙禎和梁頌恆辱華言論，要求道歉和褫奪兩人議員資格！

對付侮辱中國人的禽獸，絕對不能手軟！請立法會主席、特區政府採取行動！

註：

青政，成立於2015年，現時是本土派第一大政黨，在香港立法會中擁有兩個議席，現任議員為梁頌恆及游蕙禎(如果最終冇俾人取消議席的話)。

青政是一個主張香港選擇自決，反對香港大陸化或中國化、「抗赤化」，要求「港中區隔」的本土派政黨，成員逾百人，現時大部份為20至30歲的在職青年。