謝謝「飯民」！

尋日同「阿仔」北上開個唱，懶理香港個「垃圾會」六國大封相！

上午響深圳飲緊茶，姪女在美國whatsapp我：好亂！真人騷，haha！

心諗：你就笑得過咯！

隔岸觀火，梗係好笑啦，好睇過馬騮戲---好學唔學，學台灣！但係普羅香港市民真係笑唔出囉！

心又諗：「垃圾會」淪落如斯，究竟係有「垃圾議員」先、定係有「垃圾會」先呢？

好明顯：係啲議員越來越「垃圾」，攪到人地覺得果個唔係立法會，係「垃圾會」！以前，嘩！我地見倒議員真係肅然起敬架；依家，唉！係欲哭無淚囉，慘不忍睹，想眇佢地！

晚上打道回府，火車上又收倒另一位曲友whatsapp：點解香港變成咁？好明顯：教育問題囉！咁嘅「教棍」居然做左議員？香港唔沉淪就有鬼咯！

回家後第一時間梗係要睇吓發生左咩嘢事啦。

哈哈..哈哈...呵哈哈...哈...

真係要多得「飯民」，點解？

一. 多得佢地攪亂檔，隻「少理老屍」(註)都冇得宣誓，繼續做佢嘅「候任議員」；

二. 多得佢地攪到終止會議，果對畜牲一樣冇得宣誓；

三. 我代「建制派」多謝「飯民」，唔駛佢地郁手都攪掂左！

雖然「垃圾會」秘書處照樣出糧俾果幾隻嘢啫，但係我個人認為如果最終佢地被禠奪議席，已收酬金應要全數歸還。理由係：佢地由始至終未曾宣誓，即未正式上任，亦未曾履行議員職責，所以冇資格出糧！

果條「蟲」真係一隻披住人皮嘅蟲嚟(真係枉為人師，大家有仔女嘅都要遠離「理工」至得---偷嘢又得、倒轉國旗又得、不聽從主席指示都得)，次次失控！我都唔明「垃圾會」嘅保安有咩嘢用，根本無法執行工作！

如果係我，我會將佢地幾條友嘅坐椅拆走(當然亦唔會擺放名牌啦)，下面掘個孔，如果佢地夾硬要塞自己落去嘅，咪同佢封箱兼釘蓋囉！

睇嚟法庭一日未有裁決，「垃圾會」將無法正常運作！一於停左佢等結果啦，大家都要繼續演戲，但係又冇咩嘢新意---佢地唔悶、觀眾都悶啦！

註：

「阿仔」抗議我叫果隻嘢做「少理老鼠」喎---佢屬鼠，佢恥與果條友為伍喎！我從善如流，一於同佢改名，我想同佢改埋「姓」添！