女人緣
2016/11/17 10:11:53
網誌分類:
經濟
估不到,特朗普個千金一樣正,不單止省鏡,口才了得,競選期間,她上台拉票,反應勝過希拉莉個女?。真係睇得、talk得,成為不少宅男的夢中情人。
更估不到,特朗普個孫女,一樣好多粉絲,她不靚、無身材、得五歲。她在YouTube上載了短片,喺年頭拍攝,片段中,細女口中唸唐詩一首,牙牙學語的普通話,背到最後兩句「誰知盤中餐,粒粒皆辛苦。」天真爛漫,甜美可愛,普通話發音準確,聽得我都自愧不如。
所以話,特朗普不是傻佬,這一張「孫女牌」打得不錯,為他在國內爭取到不少好感。不要說他鹹濕兼好色,結過三次婚,元配、二奶幫唔到手,第三任夫人梅拉年輕惹火就好搶眼球,他有三個老婆,好多仔女,成班富二代,游手好閒,但係就有一個千金幫他上台,全力拉票,為他敗部復活,幾多個女人話佢性騷擾都無用,事實勝於雄辯,特朗普係好有女人緣,背後好多師奶票。
成也女人,敗也女人。這個鹹濕佬,真係「女到用時方恨少」。特朗普係做大事的人,一早準備,五歲孫女學普通話讀唐詩!未登天子位,形象都唔同晒。
特朗普啟示,美國將會掀起兒童學普通話潮,從政之人,鹹濕唔緊要,好色可以變特色,最緊要,啲女幫到手。
林超榮
回應
(0)
我要發表