3D光雕匯演閃躍維港明晚有得睇﹗

2016/11/24 08:41:06 網誌分類: 生活

24 Nov

        臨近聖誕，寒風來了，維港夜景添上節日色彩嘅「新衣裳」！Kelly知道，備受旅客歡迎嘅新一輪「閃躍維港」3D光雕匯演將於明晚登場，小妹昨晚率先欣賞試燈效果，見到投射在香港文化中心及前九廣鐵路鐘樓外牆上嘅「聖誕精靈」，穿越多個香港地標，載歌載舞，炒熱尖沙咀海旁嘅氣氛！

        由旅發局呈獻嘅新一輪「閃躍維港」3D光雕匯演以「聖誕精靈」為主角，將於周五起至下月二十八日登場，每晚八時二十分至九時四十五分演出四場，每節約八分鐘。喺昨晚嘅試燈活動，Kelly見到文化中心及前九廣鐵路鐘樓外牆變成百老匯音樂劇舞台，透過立體影像、燈光和特別音響效果，精靈飛越天壇大佛、維港等地標。Kelly知道，精靈更會於活動期間「現真身」，每逢周五至周日，包括聖誕節前夕及當日（二十三至二十五日），不定時走出光影舞台，走到文化中心露天廣場，跟現場觀眾互動，與眾同樂。

        KellyChu