辰時卯時
2016/12/08 08:42:09
網誌分類:
經濟
他說:「呢個八字不是你的?」
我:「唔係啩,我睇咗三十年都係呢個八字!」
大師說:「你想清楚,是辰時定卯時?」
我:「我真係唔知,你話啦!」
大師:「卯時冇可能,因為呢個時辰就發過豬頭,唔係超人,直頭係李超人,無可能會坐係我面前,不過……」
我:「點啊?」
大師:「但係,好運行完,出年有個劫,好大劑。」
我:「咁如果係辰時呢?」
大師:「呢個似你,渾渾噩噩,一事無成,多勞少得,財運兩失。」
我:「咁大劑?」
大師:「未衰得晒,今年衰運行完,來年有轉機,大運將臨,千載難逢」。
一個好運行完入衰運,一個行完衰運入好運,我一定相信好運的一個,但我明明是卯時,他一下子推倒我過去三十年相信的時辰,真是不知如何選擇,非常彷徬徨。
我把心一橫,就選好運的一個,出年大有作為,事事搏盡,必有所成。但是心一轉,萬一看錯,其實是卯時,我「不顧後果、奮身去盡」,一時差錯,就會萬刧不復,那就應驗我好運行完,必遭大刧的流年,一時之間,辰時卯時我都無從抉擇。
大師催迫:「我睇穿你性格,不論辰時卯時都係一時一樣,半生猶豫,十五十六,所以一事無成,時間無多,快下決定。」
我決定了,都係唔睇。轉身想走。心想:「咪住,忽然咁有決斷力,可能還有第三個時辰?。」
林超榮
回應
(0)
我要發表