陳冠A狂言：貼相無罪！

方向好野丫！居然咁留意「自拍陳」的blog，一個標題殺晒全港報紙：陳冠希狂言「要怨就怨呢個遊戲，唔好怨玩家」。

但，you know，我就不嬲唔睇方向既，所以呢，我真係睇完條題、望左兩眼個引言就算架喇。慢慢諗下諗下，咦？有景轟喎！

「要怨就怨呢個遊戲，唔好怨玩家」，佢呢句野所講既「遊戲」，係指one night stand？喂，家陣邊個怨你唧？譚詠麟話架嘛，自拍無罪，轉貼先有罪嘛！（詳見：究竟邊個不道德？）

呢件事，不外乎就係one night stand和發放淫相呢兩隻game，咁，呢句野所講既遊戲，唔通……唔通……係指發放淫相？

原來佢既意思，係「要怨就怨發放淫相呢個遊戲，唔好怨網友」。

哦～明晒！

你梗係睇唔過眼條友仔因為窮而被人還柙監房咁Q耐（詳見：窮，就係罪！），出聲講句公～道～說話哩！

陳冠A，我對你有D改觀喇！