我放假去，你賺晒佢啦!
2008/02/09 09:31:00 網誌分類: 揾兩餐啫
我家樓下的那條街，在一個巴士站的車程內，有七間24小時便利店，三個小報販(本來四個，有一個最近執鰦)......
去年開始，這幾個小報販在大年初的幾日，索性不開檔，有一個更會講明初七才啟市!
如果不是有很大誘因或特別原因、又或者是職責所需，農曆年的頭幾天，放得假都放啦! 去聚纒天倫，或者去充電休息啦......
生意又唔多又唔夠人掙，索性不開檔啦!
* * *
大年初的幾日，生意唔多又唔夠人掙，就放假啦!
但平日生意唔多又唔夠人掙，就分分鐘冇飯開㗎!
* * *
新正頭，祝D報攤生意興隆!
我其實幾喜歡幫襯報攤!
艾理斯
"年初三那晚，和太太在那條街邊行邊數‧‧‧「嘩，駛唔駛咁多便利店呀？」難道小蓉就在那條街？"
Similar experience!
Similar feelings!
那條街，在一個巴士站的車程內，有七間24小時便利店，三個小報販(本來四個，有一個最近執咗)......
年初三那晚，和太太在那條街邊行邊數‧‧‧「嘩，駛唔駛咁多便利店呀？」難道小蓉就在那條街？
海琳
"相信報攤於不久的將來會成為我們的回憶..."
小販的生存空間又少D!
海琳
"相信報攤於不久的將來會成為我們的回憶..."
小販的生存空間又少D!
啤梨
"現在生意難做......"
係呀! "現在小生意難做呀......
Winkjet
價值觀影響人生抉擇......
利是一定有！祝你股運亨通!
街坊生意，有的是人情味.....
報紙檔都係街坊生意，當中有一份支持心和親切感!
"大集團剝奪了小本經營的生意, 即係以本傷人, 真的搵食艱難啊!"
以本傷人的，第一樣武器係鋪租!
penny
"這現象，唔知好唔好?"
我總覺得一個社會應有多元謀生的方式和機會和空間!
成條街都係得大集團的幾款連瑣店很唔健康!
一份報紙五蚊送一包紙巾加膠袋，再加一句先生早晨，這種街坊生意，叫做人情味，只怕有一天，報紙檔會成為記憶中的一部份。
小蓉，恭喜發財，利是逗來！
大集團剝奪了小本經營的生意, 即係以本傷人, 真的搵食艱難啊!
廿多年前做報攤的，競爭少，只要努力，可以搵到兩餐外，更可以搵到錢買樓的，晚飯更可以呼朋滿座。
現象做報攤的等於街邊錢，執得一毫得一毫，因競爭大，不能與便利店對衡，且分分鐘要蝕埋老本...
這現象，唔知好唔好!