christopher eccleston 最新專訪

終於可以做番呢個blog 最應該做的東西了。

仲駛問阿貴，成個blog的標題人人都有眼看，當然是我的正識 - 講番我個no.1 偶像 christopher eccleston。

問左會長，她話由於youtube 個file 限100mb，兼10分鐘。上不到去youtube，不如屈就大家去英國網看到夠。尤甚她得知中國fans 支持chris，所以她話直頭post 條link 來給中國fans 看到夠，順路讓小妹看下他有沒有肥左定依然是排骨加鋼條身型。

http://homepage.ntlworld.com/doctor9fan/videos.htm

你可知呢個videos ， bbc 懶矜貴，只淮英國公民看呢個videos。

咁矜貴就咪賣 tv series 俾海外電視台賺錢。

我認我憎bbc，你幾何見我會post bbc 劇集，上次拍doctor who拍到我偶像chris 腰心腰肺，最火滾是早幾個星期見到 那個john barrowman話 chris 惡頂。

你估有沒有咁橋，套 torchwood 第二輯剛在那段日子推出，我實話是bbc 的死橋。

有本事，你個 john barrowman 咪過大海賺美元，找電影片商讓你孭飛做主角，駛乜堂堂英國所謂大影星要借人做宣傳。

好老實講，炒幕後炒一半點解唔炒doctor who那班呢?

第一輯第一集rose ，夠胆死成部攝影機穿崩於巴士後面，乜班幕後發雞盲，幾百對眼看住，後期做電腦特技或剪接都看不到，我爭在未叫呢班友去死。

第一輯第四集，個驗屍官着高跟鞋去驗屍，我那次在尋夢講呢幕，給人問到我口啞啞，原來英國驗屍官是不怕跌倒。

一提起bbc 衰野，我就特別醒神。

言歸正傳，會長話好想聽下班中國fans 意見。她問我有乜新年願望，我就想Shekhar Kapur 儘早於影壇消失，他最好就是學梁錦松話齋有咁耐風流有咁耐折墮。 我不會如會長和 chris 咁大方，原諒他。

我從來未見個一個導演如此無品，竟然為了本自傳銷量收得，走去誣衊chris 在片場打導演。

我好坦白講，如果chris 真係有做過，呢樣野打死無得怨，但是，呢個混漲竟然捏造新聞，想令一個影星於影壇消失。咪就是因為他，chris 食了一場詐糊，無得演silas。

有時候，中國人有句說話，人在做，天在看。

呢個Shekhar Kapur 套新作 elizabeth : the golden age，竟然衰到個女主角獎，仲要是大冷門那隻。我想Shekhar Kapur 沒有諗過，2007年上半年電影雞到無倫，他想套elizabeth : the golden age 收復失地，仲要找 clive owen孭飛，想借clive 聲勢食番個勢，得番1998年elizabeth 的失落晒提名。

他仲話想拍第三部來收復今次失地，我現在就日日咀咒他，最好下部作品是他最後作品。

呢個咁無品的人仲在影壇存在，認真天無眼。