全新水波爐點樣用？維維媽煮幾味你睇

2017/09/09 08:41:04 網誌分類: 生活

09 Sep

        Kelly得閒鍾意煮吓飯仔，見到東芝Toshiba出咗一款「純蒸氣烤焗水波爐」，一部機就可以有齊純蒸、發酵、烤焗、炆燉等功能，好實用咁！不過小妹唔係好識點樣用，東芝就好有心咁搵嚟人氣美食博客維維媽，喺今日下午去到旺角，教大家點樣用部機煮出美食啊！

        東芝呢部純蒸氣烤焗水波爐，有過熱水蒸氣、純蒸氣、熱風對流等唔同烹調模式，一部機就可以做到純蒸、發酵、烤焗、炆燉等功能，輕鬆煮出各式美食，極具人氣！

        為咗令大家同小妹都更了解水波爐，東芝就邀請咗人氣美食博客維維媽，喺今日下午二至四時，去到旺角好望角大廈地庫嗰間百老匯，進行烹飪示範，包括會煮鹽酥雞扒，同埋「一爐蒸三餸」，即係煮千層肉片蒸雜菜、梅子蒸排骨、翠塘豆腐啊！維維媽醉心研究美食，仲會編寫食譜，佢嘅著作包括《嚐在家吃》、《BRUNO主廚神器之究極料理》等。

        KellyChu