法證專家多管齊下蒐證 港版「神探伽利略」助破奇案
2017/09/13 08:41:03
網誌分類:
生活
利用化驗幫警方搵犯罪證據嘅港版「伽利略」，就係政府化驗所屬下嘅法證事務部六十八名專家，佢哋從事生化、毒理、化學、文件鑑辨等十二個組別，利用尖端科技搜證，好似生化組負責DNA檢驗，有效咁辨認出死者嘅身份。至於毒理組就檢測案件有無牽涉毒藥或藥物危害，眨吓眼就可以將疑犯嘅血液、尿液、頭髮等生物檢材化身成證物，好犀利！
講起科學鑑證，不得不提曾經轟動一時、靠纖維接觸同兇手脗合而定罪嘅「紙盒藏屍案」喇！原來呢個工作就係由化學組負責，透過檢驗衣物纖維、玻璃、泥土等微量物料接觸，確定案件同疑犯嘅關係，對破案與否非常重要！唔單止，除咗實驗室檢驗之外，Kelly知道佢哋提供二十四小時罪案現場勘察查探服務，分秒必爭，誓把犯法者抽出來，小妹佩服、佩服！
KellyChu
回應
(0)
我要發表