杜如風俾狗咬戙高隻腳晒傷勢

2017/09/14 08:41:07 網誌分類: 生活

14 Sep

        「旅遊達女」杜如風嘅旅遊節目好好睇，係Kelly必睇節目，她仲教曉小妹做人最緊要活得開心！話說昨日杜如風同一間合作緊嘅旅行社老闆見傳媒朋友時，提起她之前被屋企隻芝娃娃咬傷隻腳，講講吓二話不說就將隻腳成隻擺上枱面俾大家睇，小妹見到笑到反肚啊！

        杜如風昨日同小妹講，佢屋企有間工人房，但佢請鐘點工人，所以無人喺度過夜，間房就變成佢隻狗仔芝娃娃嘅專屬房間，但入面有一幅「鞋牆」，用嚟放佢一大堆靚鞋，點知芝娃娃好注重領土，每次杜如風入去揀鞋都會被牠吠，有次牠唔生性，仲咬佢隻腳，講到呢度，杜如風抬起隻右腳放上枱面，俾大家睇吓傷勢，認真豪邁！另外，杜如風話，嚟緊她會同縱橫遊合作，喺明年農曆新年推出一個六日豪華日本團，每位收費十萬蚊以上，衣食住行都超豪！詳情會遲啲公佈喎。

        KellyChu