千祈唔好錯過雙重節日優惠 「惡夢版」迪士尼 Halloween嚇餐飽
2017/09/14 08:41:08
網誌分類:
生活
| 萬聖節又嚟啦！迪士尼樂園由今日開始呈獻「DisneyHalloweenTime2017」，為大家帶嚟一個詭魅嘅萬聖節。Kelly貪玩，昨日率先去間全新鬼屋探險，見到可愛嘅嘩鬼，以全新手法演繹經典嘅迪士尼故事，好特別啊！迪士尼今會再次推出「雙重節日優惠」，大家咪走寶啦。仲有，迪士尼向《頭條》讀者送出三十張免費門票啊！ 一連四十八日嘅迪士尼HalloweenTime，會有超過四十位迪士尼朋友同惡人傾巢而出，同賓客一齊作「惡」，其中喺鬼屋「詭迷宮：詭夢實驗室新篇」，大家可以喺入面睇到「惡夢版」嘅迪士尼故事，包括「木偶奇遇記」、「美女與野獸」等，顛覆大家對個故事嘅認知啊！迪士尼又推出八十幾項萬聖節精品，其中有七十幾項都係香港獨家發售，有十三款仲係限量版，仲會首度推出三款可雙面翻轉嘅TsumTsum公仔，呈現迪士尼人物嘅萬聖節版啊。 另外，迪士尼再出「雙重節日優惠」，香港居民由即日起，可以用六百三十九蚊優惠價買到「雙重節日優惠」門票，喺十二月二十三號前可以入場兩次，仲會享有九折購物優惠添，咁就可以喺萬聖節同聖誕節都入場玩啦！ 《頭條》讀者參加遊戲贏門票 迪士尼老友仲向《頭條》讀者送出三十張免費樂園門票，大家只要喺二十號前上頭條facebook專頁參加遊戲，答問題兼share畀三位朋友，就有機會贏取門票兩張，喺十月三十一號前都用得，名額只有十五個，小妹都要快啲參加先得！ KellyChu |
 | |
| |
 | |
回應
(0)
我要發表