《胡楚南:金鑽事業‧精彩人生》 「K金大王」分享成功經驗
2017/11/17 10:11:04
網誌分類:
生活
有「K金大王」之稱嘅胡楚南,前晚喺君悅擺三十八圍晚宴,慶祝公司創辦五十周年,兼慶祝自己七十五歲大壽,Kelly見到唔少潮州同鄉猛人到賀佢雙喜臨門,又有香港舞蹈團表演精采舞蹈,舞者中仲有佢嘅兩名小孫女,場面好熱鬧啊!喺宴會上,佢仲推出個人自傳《胡楚南:金鑽事業‧精彩人生》,唔少人即刻打開細閱,分享佢嘅成功經驗。 胡良利(萬益)珠寶行總裁胡楚南,一直積極參與建設鄉下潮州嘅商會,喺晚宴上特別多「家己冷」猛人出席,包括行政會議召集人陳智思、香港潮屬社團總會會董會主席陳幼南等,就連司儀亦搵鄉里「小飛俠」林燕玲出任。 唔單止咁,胡楚南出錢出力支持舞蹈三十多年,笑言可能係香港睇得最多舞蹈藝術表演嘅「門外漢」,佢同唔少舞者一早已經成為好友。呢晚「香港舞蹈團」專程嚟到表演一場新疆維吾爾族嘅舞蹈,而另一場芭蕾舞表演中仲有胡生兩名小孫女粉墨登場𠻹! 為咗籌備呢次晚宴,原來胡楚南一年前已決定出自傳《胡楚南:金鑽事業‧精彩人生》,將佢大半生嘅奮鬥史同精采人生盡錄,所謂「有圖有真相」,呢本書中有大量相片配襯,足見胡楚南交友廣闊啦!前晚來賓都會獲贈胡楚南嘅自傳,小妹見到唔少人即刻打開細閱,先睹為快! KellyChu |
![]() | |
| |
![]() | |
| |
![]() | |
| |
![]() | |
回應
(0)
我要發表