懶洋洋的上午

這個星期很忙碌。忙甚麼？尋晚出騷，唱兩首，之前要準備衣衫、珠耳盛，尋晚正式演出自然好大壓力，仲要同老倌同場喎！晚上與曲友食埋宵夜，返屋企仲要由頭洗到落腳，之後又要等頭髮全乾才能就寢，那時已是零辰三點。

不過我一向習慣，無論幾夜瞓，最遲第二朝九點便起床；瞓得六個小時，自不然烏吓烏吓，不過仲要做善後工作----收拾衣物、做面膜、如常去買餸....跟住又要準備今個星期五、六與加國網友幾年一聚及曲友的唱局歌曲，加埋加埋有十首，有咩嘢法子唔忙，不過，又好似係攞嚟忙咁！

下星期高山又有演出。不過，今次冇咩壓力，因為唱番同一首曲，祇係唔同拍檔啫！再者，一次生、兩次熟，easy job啦！