財政預算：會唔會派錢？

財政司司長陳茂波將於下月公布《財政預算案》，行政會議成員兼工聯會立法會議員黃國健出席電台節目時表示，今年庫房盈餘龐大，估計有1300億至1500億元盈餘，相信政府有能力在應付長遠開支的同時，向市民派錢，還富於民。

香港市民見澳門政府年年派錢，真係眼紅架！特區政府也曾經派過幾千銀，但係並非好評如潮---講真吖：弱勢政府，做咩嘢都有人彈架啦！

派錢？就算真係有得派，點派好？有身份證就派、還是選擇性派？

有身份證就派，一樣惹來非議：不少人根本對香港冇貢獻---新來港但取得身份證、搵倒錢但係瞞稅....何解有著數佢地都有份？

選擇性派：有份攞綜援？長者？市民會認為佢地唔做嘢、唔交稅、對香港冇貢獻，又何解有錢攞？

早兩日律師請我與幾位教育界朋友午餐，律師認為最好係退稅。我認為咁樣做交稅交得唔多、或者窮到連稅都唔駛交嘅，咁咪咩嘢著數都冇！

教長們則認為：最好係減免差餉。咁淨係有樓人士得益至喎！其實冇咩嘢安排係可以滿足全世界嘅，我簡單啲：見人就派錢啦！唔駛理佢地有冇貢獻啦：「垃圾會」每年浪費唔少錢養班垃圾，不如人人派錢皆大歡喜好過啦！