品格檢查應一視同仁

為官清白乃必須

免得官賊兩埋堆

不容博亂圍威喂

市民代表要跟隨

自從新任戒律長被踢爆僭建之後、品格檢查在江湖上引起熱論。嗱、講起品格檢查呢家嘢、前講英衙門就做得最足、凡衙門顧員在入職前必先通過調查三代這一關。雖然今日搵勻整個罪城衙門都搵唔到一個有刑事紀錄嘅高官、但在啱曾當縣令時、就聘用咗一個政治犯爭七成來當局長。在六七暴亂時、爭七成於校園內向同學派發反講英傳單而被判監禁兩年、並成為罪城衙門首名坐過政治監嘅局長。在殖民地時期、講英衙門嚴禁市民挑戰政管治當局嘅權威、更加不容許任何人以學術自由來作掩護搞反乜反物之事、所以爭七成才會被拘捕和監禁。反觀今日、人們唔止在校園宣獨、甚至跑上街頭打正旗號來宣揚講獨都冇問題。難怪街坊常說、五十年不變只係為奉公守法嘅街坊而設啦！

大家都希望為官者能夠以身作則。之但係、今日為咗錢可以將狗屁當成道理嘅社人裡面、已經冇咗呢支歌唱好耐。無論係國與國之間、抑或係人與人之間莫不如是。今日學堂有教無育、為官者其身不正、作為監察政府嘅尊貴不務正業、大學生成個爛仔咁款。咁搞法、我哋嘅社會遲早都會變成生番世界。以今日罪惡城嘅政壇看來、簡直係阿蘭嫁阿瑞、彼此累鬥累至係。除非縣府能夠嚴守品格檢查和做好榜樣、否則挨罵事少、連管嘅力度都喪失埋事大。諷刺嘅係、問責官員原來前面加上一個不字。試問連縣太爺和大總管等官員在僭建方面都係身有屎嘅時候、其他人又點會奉公守法？雖然、當年縣衙出咗一個打遍天下無敵手嘅大總管又如何？到頭來、還不是一樣冇符？在議事堂內涉及僭建嘅尊貴不知幾多、只係大家都隻眼開隻眼閉。不過奇就奇在、當某一方尊貴嘅僭建醜聞通天之後、對立一方代嘅尊貴卻忽然又盲、又襲、又啞、啥反應都冇。問題係、何解尊貴犯法無人問、官爺犯法勢不容？所以話啫、世上沒有最醜、只有更醜係冇有講錯嘅。