我寧願佢冇到!

2018/04/11 07:55:15 網誌分類: 時事
11 Apr

繼因涉嫌參與旺角暴亂而被控煽惑暴動等罪名嘅時任本土民主前線召集人黃台仰,涉棄保潛逃之後(最緊要走左佬唔好返嚟,香港唔歡迎佢),今日(10日)有報道就指,正就2014年「佔旺」案保釋等候上訴嘅香港眾志秘書長黃之鋒,並冇喺尋日(9日)原定時間去香港仔警署報到,惹來棄保潛逃疑雲唔通黃之鋒都走咗佬?東網記者收到消息指,黃之鋒並非冇去報到,而係遲到啫。原來只係誤會一場(開心得太早啦,真係好夢原來最易醒!原來阿「大少」係遲到左幾粒鐘啫)。。

該報道指,黃之鋒原定尋晚6點至9點要到香港仔警署報到,但黃之鋒就冇現身。而黃之鋒尋日有為另一宗向警隊索償案件現身小額錢債審裁處,冇理由咁快走咗佬?(唓!要走佬駛幾多時間啫:叫「契爺」安排隻私人飛機佢冚家,幾個鐘頭最少都去到台灣啦,然後....)

東網記者問過黃之鋒,佢就話向來遵守保釋條件,居於報稱地址,尋晚亦都一如既往到警署報到。不過,東網亦收到消息,黃之鋒其實係今日凌晨1點先去報到,足足遲咗4個鐘。雖然遲到冇乜特別責任(但係遲到駛唔駛俾理由呢?)不過到佢下次就該案上庭時,有關方面就會上報法官。(咁又會點?遇著個「黃官」,可能幫佢解埋畫---佢公務繁多,為民服務.....甚至南區交通有問題!可能頒個獎俾佢都唔定)

黃之鋒過往都曾被指開會或出席活動遲到㗎喇,不過遲到都好過冇到嘅。 (我就寧願佢冇到....佢失踪又好、走佬又好?全港歡騰:冇眼屎乾淨盲!)

回應 (0)
我要發表
user

最新回應

立 冬
立 冬 2018/06/13

新版都有好處的, 至少用手機來睇會較以前方便.  你休息夠了再回來啦!   {#iconb_21}

VanYYY
VanYYY 2018/05/24
@域 流亦詩...

雖然我封舉,有空仍會拜讀你的大作!

KING.
KING. 2018/05/19

都要改啦, 以前頭條blog都唔係mobile reponsive web. 而家改左,你有冇發覺冇以前咁棘.

域 流亦詩
域 流亦詩 2018/05/18

祝你身體健康、愉快。它朝有機會再在博海相見!