花拳繡腿（二）

花佬台上煽歪風

明施毒手暗坑紅

慎防打冧金王殿

紅家未敢放輕鬆

 喪普呢頭以貿易戰、科技戰、金融和貨幣戰搞到紅家頭暈眼花之際、嗰頭又跟島獨眉來眼去、仲放話要派水兵陸戰隊駐守台島新落成嘅會所助長島獨之勢、分明係向閘王撩交打。嗱、在下認為花家係可以聘用“由退役花兵精英組成”嘅黑水公司保標代替花軍。因此我相信喪普旨在拋浪頭、而唔信佢真的會撩交打。因為打起來條數點計、花家都蝕硬嘅。由其是花軍前後兩次吃過街坊軍嘅虧、應該知到街坊軍係幾咁難纏。萬一惹得街坊軍長期封鎖台海、島上日子必定一日比一日難過。到時喪普都唔知就手旁觀好、抑或派兵跟街坊軍搏老命好咯！講真、街坊軍係打着「民族大統一」嘅旗幟踩過台海、但花軍又為誰拼命為誰亡呢、吓？！

如果冇估錯、喪普煽動島獨只屬掩眼法、其真正目的就要是將紅家注意力引到台島去、而自己就暗中安排突襲北寒。須知到、當花家將北寒弄到手之後、紅家在東北亞嘅屏障就會消失。喪普之所以裝瘋扮狂四處點火、其實係亂中有序嘅。當喪普一招得手之後便馬上離開北塞、並由花家暗中扶植嘅北寒內奸接管金家統治大權。那麼、就算紅鵝兩家想發難、亦冇藉口。之但係、喪普勢估唔到、肥仔恩卻比他快一步出手、先向閘王取得北寒嘅安全保證、然後向南寒民在忍遞出和平相處嘅橄欖枝、繼而許下拆毀棄核試驗場和不再試射核彈嘅承諾、就此當眾搣甩咗喪普刺殺他嘅理由。但肥仔恩並無表示徹底放棄核武。現在問題係、究竟肥仔恩是否會違背先祖遺訓而徹底棄核呢？與此同時、西方陰謀論界流傳、喪普可能會改變主意、只要求肥仔恩放棄遠程導彈、並默許北寒擁有中短和核武。因為他要讓架仔和南寒都擁有發展核武嘅藉口、從而令到紅家四周都是被核武包圍、使得閘王如芒在背冇覺好瞓。嗱、唔知你相信唔相信、但我就唔相信喪普愚蠢到讓核武擴散的。因為核擴散呢家嘢肯定係一發不可收搭、到時花大叔唔止會失去亞洲兩名打手、亦會被核彈包圍。