域 流亦詩
域 流亦詩
域 流亦詩

利比罅模式

2018/05/27 12:42:05 網誌分類: 各家大事
27 May

提起利比罅

確係得人怕

肥恩唔禁激

喪普在使詐

 

呢嗱、正當「普恩會」被唱得鋪天蓋地之際、花家安全顧問惡意頓忽然放話、將會以利比罅模式來處理朝核事件。肥仔恩聞言後大為光火、並警告不一定會與喪普會面。究竟利比罅模式係乜東東、令到肥仔恩㷫成咁呢?嗱、係咁嘅、首先由花家派人將核設備拆卸、然後全部由花家接收。使肥恩扯火更多嘅係、當年利比罅一哥卡達飛棄核後、花家一方面解除對利比罅嘅制裁、而另一方面又送個「亞孻伯豬春」給利比罅人、並栽培一支親花嘅反卡達飛叛軍、再由忽大西洋公約「忽約」直接踩人利比罅、協助叛軍將卡達飛殺死、然後棄屍於下水道裡面、最後恢復花家對利紫罅嘅主導權。坦白講、分明係有人刻竟借利比罅模式來提醒肥仔恩、卡達飛係點死嘅。當肥仔恩扯火之後、喪普話在大家都㷫烚烚嘅時候不宜見面、並宣布取消普恩會。之但係、不足廿四小時後、喪普又話會面照舊。真係唔知到、佢明日會唔會又講過唔算數!

 

依我睇、喪普係不忿被人局上談判桌、而佢根本上係冇打算過和談的。原因係、花家一向靠戰火發財、假如朝仙真的太平起來、花家在東北亞就沒戲可唱了!須知到、凡事皆有利弊、肥恩擁核對花朋友故然有威脅、但對紅家嘅負面影響則更大。在架仔和高麗眼中、既然肥恩棄核不成、而花家又管不着、佢哋亦須要擁核自保的。就係咁樣一搞、紅家周邊都被擁核家族包圍着、到時失眠嘅恐怕是閘王而非喪普。試想想、當你家嘅西南方有摩囉星和巴機星、東北亞有朝仙、高麗、架仔、北方有沙鵝。總言之、有乜冬瓜豆腐起嚟、紅家定必一身蟻、但絕對威脅唔到身在萬里之外嘅花家。如果花家須要阻止架仔和高麗擁核、就會借頭借路拖馬到東北亞來齊齊將朝仙炸他爸的一個稀巴爛。只要東北亞爆發戰爭、該區和紅家嘅外資就會逃往花家去避災。到時紅家經濟便會下滑、若花家再在南海引起事端嘅話、花元又會再一次「錢憑災貴」架喇!總之一句到尾、如果我係喪普、都會在東北亞、東南亞、台島、西南方等地方布滿地雷等紅家踩落去、咁先至符合花家利益吖嘛!

 

回應 (0)
我要發表
user

最新回應

*KK*
*KK* 2019/09/18

兄台眼光獨到. 不出一年就有大龍鳳睇了.

"污膠藤"單野, 不知若傳到近日來港的"毒眼寒流柑"之祖家又如何呢? 若彼邦之"安胃女孩像", "神大將軍像", 甚至"安義士像"等受如此對待, 真不知此"柑"會否敢在祖家國民面前仲乜野物野囉...

多年來各大爛仔館既欺師滅祖, 以至人性夏令營等精彩場面, 真係值得透過寒流輸出至全球! 彼此認識, 促進交流呢! 世界必有新氣象, "時代革命性解放"嘛!!!

開心van仔
開心van仔 2019/09/18

你好,很久不見了!我沒有在頭條寫野也有一年了!今天突然回來看看,高興見到你呀!近月心情很沉重,太多負面新聞令人情緒低落,不知亂局何時了!

123331
123331 2018/08/22

亞域哥,「來者應,去者靜。法住無常,止心一處。」謝謝。

開心van仔
開心van仔 2018/08/22

很喜歡看你的文章,為何不寫?你今日的話令我有共鳴!我進入古稀之年,剛做了第二次通波仔手術,對世事已不再熱衷了。只希望可開心過每一天。回望過去幾十年人生,很多事都淡忘,只記開心的事,不開心的由它去!現在對很多事都淡然處之,只爭取多些時間與孫兒們相聚。

祝君身體健康,生活愉快,開心每一天!真希望可再見你的文章!