準爸爸記得要多謝張超雄呀!

【#圖事】張超雄搞禍侍產假 自己無份唔俾人袋  

向來對假期相當敏感嘅香港人，如果法定假話會俾多一日你，點仔夠膽講絕大多數人都會贊成，呢個可以話係「社會共識」，只係「泛民邏輯」並唔係咁諗。

近日立法會就男士侍產假由3日增至5日嘅法案進行首讀同二讀，原本順利最快可以喺7月11日生效，但就因為張超雄死話唔「7」唔要，搞到最快都要到農曆新年左右先可以生效，相信唔少「狗年BB」嘅準爸爸都嬲到爆炸，怒吼「唔可以攞咗5日先再傾7日咩！？」「係咪你無份，就話之你呀！」

記得早幾年工黨被揭發收取黎智英150萬捐款嘅醜聞，當中李卓人等人分別都有將啲錢「袋住先」係自己戶口，張超雄都有到廉署助查，雖然最終證據不足，但確有咁嘅事出現過。

咁即係點？有利自己嘅「袋咗唔用」都好地地，而為達到目的就唔去理其他人？「泛民邏輯」係咪可咁理解呀？

#張超雄 #侍產假 #泛民
#點新聞 #dotdotnews 每日點新聞 ● 點解香港事

-------------------------------------------------------------------------------------------------------------------------------------

Li Pik Kwan 今年生仔既父母真係多得佢唔少，原本年尾準父親可以有五日幫下手，家陣就無，好，如果真係改到七日，佢又話唔夠，又要改到十日，咁點搞? 搞極都無囉，佢到底想點? 其實男性產假增加到五日，日後可以再討論夠唔夠，大家覺得唔夠咪再改囉！事事淨係識反對，豈有此理！嗱，利益申報，我就好大年紀，產假對我係無用既，但想起女兒出世果陣，如果有產假，都可以幫輕下丫