域 流亦詩
域 流亦詩
域 流亦詩

得寸進尺

2018/07/04 14:55:08 網誌分類: 講人自講
04 Jul

為求開局好

忍讓退一步

落得不同理

遲早上絕路

 

幾日前、齋講大教館教頭尋㒼掹話、為着迎合社會上嘅須要、人們有權要求講府修改歸本法、給予講獨一個合法嘅地位。尋㒼掹嘅講法、分明係針對着朝廷而叫囂。嗱、佢之所以夠膽成咁、唔係佢英雄不怕死、而係明知死唔去。因為到目前為止、仍然沒有相關法例可以制裁佢吖嘛!否則、畀個天佢做膽都唔敢亂噏廿四。講真、自從呢班講獨教頭知到縣太爺不打算立法廿三兜之後、個個都變得膽生毛。今次嘅叫囂純屬牛刀小試、日後仲有大把好戲上演。大家不防擔定凳仔、霸個頭位、等戲睇啦!

 

趁着大歸紀念日、妖蜓又飛撲出來抽水。他在六大教館門生會組成嘅「獨聯」大會上大放厥詞、聲稱講獨呢家嘢係邏輯上嘅必然方向嚟、並鼓勵人們以公投方式選出代表、然後讓他們衝出罪惡城、跑到國際上去發言和宏揚講獨。妖蜓強調、瘋暈計畫係協調反派建立民間「翻盅亂講」體制嘅最佳利器。嗱、縣太爺聲稱、經常聽到人稱讚佢開咗個靚局。現在嘅問題係、唔知縣太爺開嘅「大解」之局、比起妖蜓明目張膽開嘅「講獨國際化」之局、究竟邊個靚啲呢、吓?!講到呢道、我終於明白、點解反派嘅機佬泉和惡形亨都異口同聲講縣太爺識做、佢哋都識做喇!照咁睇嚟、縣太爺口中嘅「大解」並唔係口噏當秘笈、而真係𧨾得明暗兩獨都鬼咁開心嘅喎!不過讓步讓到上述情況咁、怕唔怕有喪權辱國之嫌架?

 

連日來、陰謀論界流傳、有人故意在言行上將講獨有咁大放到咁大、目的係要令萬歲爺扯火、從而向講府施壓將廿三兜立法列人議程、到時反派便趁機在社會上挑起事端、打響二戰第一槍喎!我聽到嘅只係咁多。信不信由你咯!

 

 

回應 (0)
我要發表
user

最新回應

123331
123331 2018/08/22

亞域哥,「來者應,去者靜。法住無常,止心一處。」謝謝。

開心van仔
開心van仔 2018/08/22

很喜歡看你的文章,為何不寫?你今日的話令我有共鳴!我進入古稀之年,剛做了第二次通波仔手術,對世事已不再熱衷了。只希望可開心過每一天。回望過去幾十年人生,很多事都淡忘,只記開心的事,不開心的由它去!現在對很多事都淡然處之,只爭取多些時間與孫兒們相聚。

祝君身體健康,生活愉快,開心每一天!真希望可再見你的文章!

萬大有商量
萬大有商量 2018/08/21

請君多多保重 ,健康快樂年年。

花姐
花姐 2018/08/21

為何離開,每天看你的文章,有共鳴的,也有是不懂的,不過在這裡交的博友,都使我有得著,也許離去是你覺得最好的選擇,亦希望很

快又在頭條網看你寫的文章,多多保重。

花姐