域 流亦詩
域 流亦詩
域 流亦詩

感激喪普?

2018/07/13 15:52:54 網誌分類: 講東講西
13 Jul

見穴不打穴

荒唐且劣拙

講到似層層

信否無分別

 

剛剛聽聞、喪普企圖迫使世貿組織向紅家開刀。消息顯示、目前除咗花家之外、還有楓花、架仔、歐㒼聯手向世貿施壓、大有非把紅家踢出該組織不可之勢。由此可見、七大工業家族(下稱 G7 )成員一致對紅家作全面性打壓、係唔關貿易平衡嘅事、而係以打垮龍族高速發展中嘅科技為己任。首當其衝的就是被 G7 視為洪水猛獸嘅龍的 5G 先進技術。因為若讓紅家率先推出 5G 嘅話、紅家就會成為全球十大先進科技(包括人功智能、無人駕駛導航、機戒人等)嘅大龍頭、到時 G7 就淪為塘邊鶴了!因此、呢場並唔止係貿易戰咁簡單、直和係 G7 跟紅家嘅一場全球爭霸戰嚟。

 

嗱、難為那名南西北方講壇嘅說書人孱仔強仲話、喪普唔止係閘王嘅好朋友、而且仲係良心對手。佢話如果喪普真係要𢵌冧龍族、必定先斷燶興「心脈」廢其武功、便可癱瘓紅家會整個神經系統、到時龍族就係咁先。孱仔強喊龍傳人應該感激喪普手下留情喎!嗱、唔知你信唔信孱仔強講嘅嘢、但我就連一點都唔信。首先、係人都知到、喪普挑起貿易戰、純粹係損人利己。既然見到閘王嘅死穴都唔打、豈不是搬起石頭揼自己對腳?咁講法、係咪有啲狗屁不通呢?依我睇、喪普根本上志不在燶興、只係對這個冤大頭口袋裡面嘅十幾億罰款有興趣。孱仔強老屈閘王夾埋朝仙大佬肥仔恩布咗個天仙局去裝喪普。佢形容肥仔恩手上那些爛鬼「核蛋」根本上無法掟入花家地頭、只係閘王匿埋在肥仔恩背後整古造怪、才將喪普嚇個屎滾屎流。嗱、按孱仔強嘅講法聽來、喪普唔止係癲佬、而且仲係一隻豬。之但係、即使喪普係豬、佢身邊那群智囊冇理由全部都係豬嚟嘅喎!睇起嚟、喪普並唔係豬、而係有人想把聽眾當成係豬啫!

 

回應 (0)
我要發表
user

最新回應

*KK*
*KK* 2019/09/18

兄台眼光獨到. 不出一年就有大龍鳳睇了.

"污膠藤"單野, 不知若傳到近日來港的"毒眼寒流柑"之祖家又如何呢? 若彼邦之"安胃女孩像", "神大將軍像", 甚至"安義士像"等受如此對待, 真不知此"柑"會否敢在祖家國民面前仲乜野物野囉...

多年來各大爛仔館既欺師滅祖, 以至人性夏令營等精彩場面, 真係值得透過寒流輸出至全球! 彼此認識, 促進交流呢! 世界必有新氣象, "時代革命性解放"嘛!!!

開心van仔
開心van仔 2019/09/18

你好,很久不見了!我沒有在頭條寫野也有一年了!今天突然回來看看,高興見到你呀!近月心情很沉重,太多負面新聞令人情緒低落,不知亂局何時了!

123331
123331 2018/08/22

亞域哥,「來者應,去者靜。法住無常,止心一處。」謝謝。

開心van仔
開心van仔 2018/08/22

很喜歡看你的文章,為何不寫?你今日的話令我有共鳴!我進入古稀之年,剛做了第二次通波仔手術,對世事已不再熱衷了。只希望可開心過每一天。回望過去幾十年人生,很多事都淡忘,只記開心的事,不開心的由它去!現在對很多事都淡然處之,只爭取多些時間與孫兒們相聚。

祝君身體健康,生活愉快,開心每一天!真希望可再見你的文章!