7-3-2008

今天我又做垃圾桶啦, 我陪我契姐傾了差不多三個鐘頭, 佢為左人事問題, 好唔開心, 仲廋左好多.

佢同我講尋日無做份工, 又話以前點撐佢上司, 依家人地點對佢.

我同佢講, 其實工作就係咁, 你唔好諗以前對人地點好, 人地就要對返你點.

職場既野就係咁, 好多同事(尤其係上司)同你無利益衝突時, 就當你係好朋友, 講到天花龍鳳(有利用價值嘛). 一有衝突你就係眼中針肉中剌, 先除而係快, 仲要同人講對你點好點好, 係你唔領情呢.

但唔理點, 你既工作你做好, 交代清楚. 事實係點大家有眼睇, 佢點講咪由佢囉, 根本唔使唔開心. 你就當如認清呢個人, 反正你當初幫佢又無諗住有回報, 咪當個心俾狗食左囉.

又唔係等住份工資食飯, 休息一排搵過份, 或者會更好呢. 同佢講到最後,  佢好似開心返d.

希望佢收拾心情後, 能找到一份佢開心又滿意既工啦.