域 流亦詩
域 流亦詩
域 流亦詩

瞓醒未呀?

2018/07/30 14:21:57 網誌分類: 時事
30 Jul

醫療咧咁𠾍

病人又賴嘢

賞罰欠分明

圍威好過借

 

呢嗱、罪惡城在兩個月之內連續發生兩宗嚴重醫療事故。早前聚兵門醫院一名年長男病人在沐浴期間被人以硬物插入肛門並弄穿大腸、並於數日後身亡。前兩日女皇醫院嘅醫療團隊、誤把陰道作肛門、將應該透過肛門注射入大腸嘅顯影劑錯誤地注射在陰道內、以致一名年長女病人無辜被切去輸卵管以補其命。嗱、前一單事件已經弔詭得令人百思不得其解、而後者則更加係形同集體被鬼揞眼般的驚人聽聞。喂喂、沖涼至喎、點解要用硬物插入病人肝門架?仲有呀、造顯影檢查既有放射治療師、有醫生、亦有醫護助理在場、點解無人發現插錯窿架?究竟班友仔瞓醒未架?

 

話口來完、剛剛又輪到講話醫院爆出產婦妢免後會陰爆裂冇縫針、而導致當事人挨痛楚夾流濃之後才補鑊嘅畸屎。又好似幾個月前咁、一名特約大夫在造手術期間接到電話後便火速返回自己個架部替病人造手術、留下已經被劏開刀嘅病人和一群醫療人員在手術室空等幾粒鐘。事後院方發言人居然九唔搭八話、該名忽閃大夫離開並無造成大問題、仲盛讚其醫術非常高明。嗱、院方唔開聲由自可、一開聲就惹得全城鬧爆、簡直係火上添油。如是者被狂轟幾日之後、醫館局忽然放話、當忽閃大夫與院方合約期滿之後、將不會再續約喎!綜觀醫館局對放每宗出錯個案嘅態度看來、全程擺出一副犯錯無須負責嘅格局。試問咁仲憑乜嘢去驅使醫護人員打醒十二分精神來到服務大眾呢、吓?!甚麼法制建存、甚麼紀律嚴明等等、終歸都係要靠人來到實行、而非口噏當秘笈架!當下問而不責、究竟是誰之過呢、吓?!

 

 

回應 (4)
我要發表
域 流亦詩
域 流亦詩 2018/07/31 16:04:50 回覆
@花姐...

花姐妳好、謝謝光臨。啱架、人生只能活一次架咋!

域 流亦詩
域 流亦詩 2018/07/31 15:58:33 回覆
@蕪湘...

檢查報告比報導可信性高是正常的。是否另有內情就要睇過至知了!

蕪湘
蕪湘 2018/07/31 11:57:00 回覆

驗屍報告指男死者的大腸是舊患,並非新傷, 睇來可能別有內情!

花姐
花姐 2018/07/30 17:15:58 回覆

咁都得,命只有一條,冇得返轉頭架.

user

最新回應

*KK*
*KK* 2019/09/18

兄台眼光獨到. 不出一年就有大龍鳳睇了.

"污膠藤"單野, 不知若傳到近日來港的"毒眼寒流柑"之祖家又如何呢? 若彼邦之"安胃女孩像", "神大將軍像", 甚至"安義士像"等受如此對待, 真不知此"柑"會否敢在祖家國民面前仲乜野物野囉...

多年來各大爛仔館既欺師滅祖, 以至人性夏令營等精彩場面, 真係值得透過寒流輸出至全球! 彼此認識, 促進交流呢! 世界必有新氣象, "時代革命性解放"嘛!!!

開心van仔
開心van仔 2019/09/18

你好,很久不見了!我沒有在頭條寫野也有一年了!今天突然回來看看,高興見到你呀!近月心情很沉重,太多負面新聞令人情緒低落,不知亂局何時了!

123331
123331 2018/08/22

亞域哥,「來者應,去者靜。法住無常,止心一處。」謝謝。

開心van仔
開心van仔 2018/08/22

很喜歡看你的文章,為何不寫?你今日的話令我有共鳴!我進入古稀之年,剛做了第二次通波仔手術,對世事已不再熱衷了。只希望可開心過每一天。回望過去幾十年人生,很多事都淡忘,只記開心的事,不開心的由它去!現在對很多事都淡然處之,只爭取多些時間與孫兒們相聚。

祝君身體健康,生活愉快,開心每一天!真希望可再見你的文章!