域 流亦詩
域 流亦詩
域 流亦詩

有政策冇監管

2018/08/03 15:57:28 網誌分類: 時事
03 Aug

 

有立規

冇監管

莊家詐糊塗

閒家食老本

咪話天宮唔做美

樂見諸君賺滿盤

 

呢嗱、咪話講府唔關心街坊安全、只不過係更加關心商家有冇大生意做啫!嗱、講府久不久就會推出一些旺財政策、使得有能者人皆發之吖嘛!例如年前推出嘅強制性驗窗計畫、使得全城街坊找合格驗窗師到自己家中驗窗、以及更換窗較和窗鎖、認真係大生意嚟。之但係、我聽聞有些街坊講、只要花幾百両銀買一張驗窗合格證明書就可以、無須花費大筆銀両去換這換那的。我曾經問過一位修理門窗嘅師傅、是否只買證書而不一定要更換窗較和窗鎖、得到嘅回答是必須要視驗查結果而定。據他說、最好在平時多留意一下窗門較嘅螺絲有冇鬆脫跡象、一般鋁窗每隔三至五年就應該找師傅上門仔細檢查一下才可以確保安全。

 

講到這裡、在下被一個問題纏繞着、何以講府只係推出強制性驗窗命令、而從來沒有聽聞過派人出來作突擊檢查嘅呢?如果只係推出而不作跟進嘅話、講府憑甚麼能夠知到所有人都按本子辦事?現在有窗門從天而降、是新故障還是舊瘀傷是值得去追查的。以我個人見解而言、當下流行嘅鋁窗安全度數絕對比不上舊款嘅傳統鐵窗十份之一。傳統鐵窗嘅窗框和窗門都是各有「耳仔」並以窩釘將之相連串在一起、除非成個窗框從牆壁石屎鬆脫出來、否則窗門是絕不容易甩出窗框的。何況當窗門推開之後還有定位杆可以將窗門固定、其安全性絕非當下只靠幾條單薄鋁片乘托着就伸出窗框外嘅鋁窗可比的。坦白講、傳統錢窗門打開後、企個人上去都可以剩托起來。然而今日嘅鋁窗打開後稍為用力一點壓下去、隨時都可以將它弄歪的。咁你話糟糕唔糟糕?鐵窗用足一百幾事年都無事、而鋁窗則事故頻生、都可謂時代進步、安全退步。原因只有一個、那就是商品頻換化、商家發大財。雖然係咁、接受納稅人供養嘅管治當局係咪好應該多做點工夫來確保街坊安全呢、吓?!

 

 

回應 (4)
我要發表
域 流亦詩
域 流亦詩 2018/08/04 14:56:16 回覆
@蕪湘...

對的、所謂平嘢冇好、好嘢冇平。

域 流亦詩
域 流亦詩 2018/08/04 14:55:35 回覆
@花姐...

講得對呀!

蕪湘
蕪湘 2018/08/04 14:06:28 回覆

在30 至40 年的樓宇例如是荃威花園的鋁窗到現在一隻都未跌下來, 但近這10至 20年落成的樓宇經常聽到有鋁窗跌下來,根本就是質量問題,低價投標的後遺症,將貨就價嗎!

花姐
花姐 2018/08/04 10:55:59 回覆

咁就賭彩數。

user

最新回應

*KK*
*KK* 2019/09/18

兄台眼光獨到. 不出一年就有大龍鳳睇了.

"污膠藤"單野, 不知若傳到近日來港的"毒眼寒流柑"之祖家又如何呢? 若彼邦之"安胃女孩像", "神大將軍像", 甚至"安義士像"等受如此對待, 真不知此"柑"會否敢在祖家國民面前仲乜野物野囉...

多年來各大爛仔館既欺師滅祖, 以至人性夏令營等精彩場面, 真係值得透過寒流輸出至全球! 彼此認識, 促進交流呢! 世界必有新氣象, "時代革命性解放"嘛!!!

開心van仔
開心van仔 2019/09/18

你好,很久不見了!我沒有在頭條寫野也有一年了!今天突然回來看看,高興見到你呀!近月心情很沉重,太多負面新聞令人情緒低落,不知亂局何時了!

123331
123331 2018/08/22

亞域哥,「來者應,去者靜。法住無常,止心一處。」謝謝。

開心van仔
開心van仔 2018/08/22

很喜歡看你的文章,為何不寫?你今日的話令我有共鳴!我進入古稀之年,剛做了第二次通波仔手術,對世事已不再熱衷了。只希望可開心過每一天。回望過去幾十年人生,很多事都淡忘,只記開心的事,不開心的由它去!現在對很多事都淡然處之,只爭取多些時間與孫兒們相聚。

祝君身體健康,生活愉快,開心每一天!真希望可再見你的文章!