無良僱主

【#焦點】白頭忠耍「行政手段」摺埋「勞工組」 

想炒未炒「旺角勞工組」3個幹事一事，令大家得知聲稱為工人發聲嘅街工白頭忠（梁耀忠）原來係無良僱主，件事拖吓拖吓又幾個月，「勞工組」3個幹事近日接受訪網訪問嘅時候話，「因應機構緊縮經濟開支及人手安排作重新分配」，自己俾人要求喺星期日開始要返去葵芳做嘢，等同摺埋咗旺角部分，質疑白頭忠係想用「行政安排」去取消「旺角勞工組」。佢哋3個已經做好被遣散嘅心理準備喎。

街工執委蘇耀昌就話，呢個安排係要「重建團隊」喎，呢個解釋同白頭忠之前啲「冇糧出唔等於遣散」一樣，令人覺得真係學到好多嘢。網民「Sky Kim」就話︰「跟住梁耀忠呢種廢柴，早走早著（着）都係好事，佢政治生涯都玩完，撈左（咗）咁多年嘅議員，一啲承擔都無！」