域 流亦詩
域 流亦詩
域 流亦詩

醜婦見家翁

2018/08/08 14:19:03 網誌分類: 時事
08 Aug

 

地龍被斬筋

誰敢監硬吞

抽出敗家兒

處事要均真

 

俗語有話、醜婦終須見家翁吖嘛!那怕有人權高勢大、就是不能隻手遮天。據地龍工程二判早前對保安大隊長講、他交給馬路部嘅有關斬龍筋嘅資料、並沒有包含在該部門交給巡捕房嘅資料裡面。這意味着可能有人將二判提交嘅有關資料拿走、事件亦可能涉及隱瞞、是非常嚴重的。當日二判為着確保手上嘅證據能送到六判爺面前、便親自向保安大隊長提交有關斬龍筋嘅證據、但大隊長拒絕接收、並喊二判自己去報案。呢個咁嘅情況並不常見、所以在江湖上牽起廣泛聯想。

 

嗱、直至最近、縣府終於知到被斬斷嘅龍筋總數 “ 正如二判所講 ” 超過兩千條、方知事態嚴重、並於昨日公開證實已經向巡捕房報案。坊間流傳、今次大隊長高調喊地龍請負責監管工程嘅四名高層食豉椒炒魷、其實係棄車保帥。請問有冇人可以話我知、究竟此帥是指何人?早前南西北方講壇亦有講者踢爆、斬龍筋事件只是冰山一角、當中兩大主角米旗顧問公司和袋鼠承辦商包辦嘅工程項目之多、超資金額之巨、工程事故之多、講出來會嚇你一大跳的。問題係、點解這兩家問題多多嘅承辦商居然可以一次又一次的、投得本城巨型基建項目承辦權?難道除咗佢哋之外、就沒有其它承包商參與競投嗎?依我睇、假如呢單嘢嘅承包商係黃面佬嘅話、恐怕早就結案陳詞。試問使乜鬼搞到唔嗲唔吊?據陰謀論講壇客席講古佬錢老二話、事件當中牽涉嘅人物認真唔少嘢。呢嗱、講到這裡又要暫停喇!因為錢老二又要賣關子、當佢講到最緊張時忽然話夠鐘收工。佢仲話欲知事後如何、請留意下次開講日期喎!

 

 

回應 (4)
我要發表
域 流亦詩
域 流亦詩 2018/08/10 16:11:14 回覆
@蕪湘...

呢單嘢唔似係普通踢爆咁簡單、朝廷似乎也相當關注。好戲在後頭。

蕪湘
蕪湘 2018/08/10 12:17:42 回覆

其實這班友食得禾米多, 在97前英政府時代,行內人已知的公開秘密,他們一直源用至今, 總言之也是投標的後遺症。
唉! 也是這句: 97前就乜都得, 97後就乜都唔得! 這隻黑鑊特區政府咩(背)硬!

這個原本作天回,可惜這裏總是不能回,今天補回!

域 流亦詩
域 流亦詩 2018/08/09 17:52:10 回覆
@花姐...

拭目以待。

花姐
花姐 2018/08/08 18:51:02 回覆

這單野仲有排搞,睇戲啦!

user

最新回應

*KK*
*KK* 2019/09/18

兄台眼光獨到. 不出一年就有大龍鳳睇了.

"污膠藤"單野, 不知若傳到近日來港的"毒眼寒流柑"之祖家又如何呢? 若彼邦之"安胃女孩像", "神大將軍像", 甚至"安義士像"等受如此對待, 真不知此"柑"會否敢在祖家國民面前仲乜野物野囉...

多年來各大爛仔館既欺師滅祖, 以至人性夏令營等精彩場面, 真係值得透過寒流輸出至全球! 彼此認識, 促進交流呢! 世界必有新氣象, "時代革命性解放"嘛!!!

開心van仔
開心van仔 2019/09/18

你好,很久不見了!我沒有在頭條寫野也有一年了!今天突然回來看看,高興見到你呀!近月心情很沉重,太多負面新聞令人情緒低落,不知亂局何時了!

123331
123331 2018/08/22

亞域哥,「來者應,去者靜。法住無常,止心一處。」謝謝。

開心van仔
開心van仔 2018/08/22

很喜歡看你的文章,為何不寫?你今日的話令我有共鳴!我進入古稀之年,剛做了第二次通波仔手術,對世事已不再熱衷了。只希望可開心過每一天。回望過去幾十年人生,很多事都淡忘,只記開心的事,不開心的由它去!現在對很多事都淡然處之,只爭取多些時間與孫兒們相聚。

祝君身體健康,生活愉快,開心每一天!真希望可再見你的文章!